Shakeela daughter : షకీలా ఈ పేరు వింటే చాలు కుర్రకారుల గుండె వేగంగా కొట్టుకుంటుంది. ఈమె చేసిన సినిమాలు అలాంటివి. ఎన్నో శృంగార సినిమాలలో నటించి ఎంతో మంది ప్రేక్షకులను సంపాదించుకున్న షకీలా ఒకప్పుడు ఇండస్ట్రీని ఏలింది. షకీలా సినిమా విడుదల అవుతుందంటే చాలు అగ్ర హీరోలు సైతం తమ సినిమాలను వాయిదా వేసుకునేవారు.
షకీలా నటించిన ప్రతి ఒక్క సినిమా కూడా బాక్సాఫీస్ దగ్గర కాసుల వర్షం కురిపించి నిర్మాతలకు లాభాలు తెచ్చిపెట్టేవి. అయితే షకీలా ఎదుగుదలను చూస్తున్న కొందరు ఓర్వలేక తనని కెరీర్ పరంగా తొక్కేశారని ఇప్పటికీ ఇండస్ట్రీలో వినబడుతోంది.
షకీలా సినిమాలలో మాత్రమే కాకుండా వ్యక్తిగతంగా కూడా ఓడిపోయింది. తాను మనస్ఫూర్తిగా ఇష్టపడిన వ్యక్తితో వివాహం జరుగుతుందని కలలు కన్న షకీలాకు అతని నుంచి నిరాశే ఎదురయింది. ఆ విధంగా తనని అర్థం చేసుకున్న వాడు తన జీవితంలోకి రాకపోవడంతో ఇప్పటి వరకు పెళ్లి చేసుకోకుండా అలాగే ఉండిపోయింది. ఇక సినిమాల విషయం పక్కన పెడితే వ్యక్తిగతంగా షకీలా ఎంతో మంచి స్వభావం కలది అని ఎన్నోసార్లు రుజువు చేసుకున్నారు.
ట్రాన్స్ జెండర్ ను దత్తత తీసుకున్న షకీలా :
చాలా కాలం నుంచి సినిమాలకు దూరంగా ఉన్న షకీలా తాజాగా బుల్లితెరపై ప్రసారం అవుతున్న “కుక్ విత్ కోమలి”అనే కార్యక్రమంలో కంటెస్టెంట్ గా పాల్గొన్నారు.ఈ ప్రోగ్రాంలో షకీలానే విన్నర్ గా నిలిచే అవకాశాలు ఉన్నట్లు తెలుస్తోంది. ఈ కార్యక్రమం ద్వారా షకీలా ఒక ఆశ్చర్యకరమైన విషయాన్ని తెలిపారు.
తన జీవితంలో పెళ్లి చేసుకోకుండా ఉండటమే కాకుండా ఎవరు ఊహించని విధంగా, ఎవ్వరూ చేయని పనిని షకీలా చేశారు. మిల్ల అనే ఒక ట్రాన్స్ జెండర్ అమ్మాయిని దత్తత తీసుకొని పెంచి పెద్ద చేశారు. ఈ కార్యక్రమం సందర్భంగా షకీలా తన కూతురు మిల్లను పరిచయం చేశారు. ఈమెను చిన్నప్పుడే దత్తత తీసుకున్నాను. కష్టకాలంలో నాకు ఎంతో సపోర్ట్ ఇచ్చింది. ప్రస్తుతం మిల్ల కాస్ట్యూమ్ డిజైనర్ గా గడుపుతున్నారు. త్వరలోనే మోడల్ కావాలని ప్రయత్నిస్తున్నారంటూ తన కూతురి గురించి తెలియజేస్తూ కొంతవరకు భావోద్వేగానికి గురయ్యారు.
