బాలీవుడ్‌లో ప‌లు చిత్రాల్లో నటించిన హీరోయిన్ అదితిరావు హైద‌రి మ‌ణిర‌త్నం అనువాద చిత్రం `చెలియా` ద్వారా తెలుగు ప్రేక్ష‌కుల‌కు ప‌రిచ‌యం అయ్యారు. త‌ర్వాత ఇంద్ర‌గంటి మోహ‌న‌కృష్ణ ద‌ర్శ‌క‌త్వం వ‌హించిన `స‌మ్మోహ‌నం`తో తెలుగులోకి ఎంట్రీ ఇచ్చారు. కాగా ఇప్పుడు.. నాని, ఇంద్ర‌గంటి కాంబినేష‌న్‌లో రూపొందుతోన్న చిత్రం `వి`లో న‌టిస్తుంది. కాగా.. లేటెస్ట్ స‌మాచారం ప్ర‌కారం మ‌రో తెలుగుసినిమాలో ఈమె న‌టించ‌నుంద‌ట. వివ‌రాల్లోకెళ్తే.. `ఆర్‌.ఎక్స్ 100` ఫేమ్ అజ‌య్ భూప‌తి ద‌ర్శ‌క‌త్వంలో ర‌వితేజ హీరోగా ఓ సినిమా రూపొంద‌నున్న సంగ‌తి తెలిసిందే .ఈ సినిమాకు `మ‌హాస‌ముద్రం` అనే పేరు కూడా ప‌రిశీల‌న‌లో ఉంది. ఈ చిత్రంలో ర‌వితేజ జ‌త‌గా అదితిరావు హైద‌రిని న‌టింప చేసే ప్ర‌య‌త్నాలు జ‌రుగుతున్నాయ‌ట. త్వ‌ర‌లోనే ఈ విష‌య‌మై ఓ క్లారిటీ రానుంది.
Anchor Srimukhi: రేటింగ్ కోసం ఏకంగా అంతకి దిగజారిన శ్రీముఖి.. ఘోరమైన ట్రోల్స్..!