Kaikala Satyanarayana: తెలుగు చలనచిత్ర రంగంలో ప్రముఖ నటుడు కైకాల సత్యనారాయణ మృతి చెందారు. తీవ్ర అనారోగ్యంతో గత కొంతకాలం నుండి మంచం పైనే ఉన్నారు. ఈ క్రమంలో హైదరాబాదు ఫిలింనగర్ లో ఆయన ఇంటి వద్ద వైద్యులు చికిత్స అందిస్తున్నారు. ఈ క్రమంలో ఈరోజు ఉదయం చికిత్సకు స్పందించకా ప్రాణాలు విడవడం జరిగింది. 700కు పైగా సినిమాలు చేసిన కైకాల సత్యనారాయణ “సిపాయి కూతురు” అనే సినిమాతో వెండితెర పై ఎంట్రీ ఇవ్వడం జరిగింది. ఎన్నో వైవిధ్యమైన పాత్రలు చేశారు. ఈ ఏడాదిలో ఆయన పుట్టినరోజు సందర్భంలో మంచం పైనే ఉన్న కైకాల సత్యనారాయణ చేత చిరంజీవి కేక్ కట్ చేయించడం జరిగింది.
నెగిటివ్ మరియు పాజిటివ్ ఇంకా చాలా తరహా పాత్రలు చేసి ప్రేక్షకుల హృదయాలలో కైకాల సత్యనారాయణ చెరగని ముద్ర వేసుకున్నారు. అయితే అనారోగ్యంతో ఇంటి వద్దే వైద్యులు చికిత్స అందిస్తుండగా… ట్రీ… నటుడిగా మాత్రమే కాకుండా నిర్మాతగా కూడా కైకాల సత్యనారాయణ రాణించారు. తమ్ముడు కే నాగేశ్వరరావు చేత రమా ఫిలిం ప్రొడక్షన్ స్టార్ట్ చేసి.. సినిమాలు నిర్మించడం జరిగింది. ఈ క్రమంలో దాసరి నారాయణ దర్శకత్వంలో “బంగారు కుటుంబం” సినిమాకి నంది పురస్కారం అందుకున్నారు. మెగాస్టార్ చిరంజీవి నటించిన కొన్ని సినిమాలకు సహనిర్మాతగా కూడా రాణించారు. గజదొంగ, ఇద్దరు దొంగలు, కొదమసింహం, ముద్దుల మొగుడు వంటి సినిమాలు నిర్మించడం జరిగింది. తెలుగు చలనచిత్ర రంగంలో ఎస్వీ రంగారావు మరణాంతరం ఆయన పోషించాల్సిన ఎక్కువ గంభీరమైన పాత్రలు కైకాల సత్యనారాయణకి వరించాయి.
పౌరాణికం, జానపదం ఇంక సాంఘిక చిత్రాలలో ఎటువంటి పాత్రలోనైనా అట్టే పరకాయి ప్రవేశం చేసి వెండి తెరపై విశ్వరూపం చూపించేవారు. ఎస్వీ రంగారావు నటన గురించి ప్రత్యేకంగా చెప్పనవసరం లేదు. ఆయన మరణించిన తర్వాత ఆ తరహా లోనే కైకాల సత్యనారాయణ.. ఎటువంటి పాత్రలోనైనా ప్రేక్షకులను.. ఎంతగానో ఆకట్టుకునేవారు. ఎస్వీ రంగారావులేని లోటును చాలావరకు కైకాల తీర్చారు అని అప్పట్లో సినీ పెద్దలు అనేవారట. అంతేకాదు నవరస నటసార్వభౌముడు అనే బిరుదు కూడా సంపాదించుకున్నారు. ఎన్టీఆర్ సమకాలిక హీరోల నుండి చిరంజీవి, బాలకృష్ణ, నాగార్జున, వెంకటేష్ వంటి హీరోల వరకు అప్పట్లో విలన్ అంటే కైకాల సత్యనారాయణ. అనంతరం క్యారెక్టర్ ఆర్టిస్ట్ గా రాణించారు. తెలుగులో నాగయ్య తరం నుంచి ఇప్పటి టాప్ హీరోలు.. మహేష్ బాబు తరం వరకు మొత్తం ఐదు తరాలతో కలిసి నటించడం జరిగింది. తమిళంలో రజనీకాంత్, కమల్ హాసన్.. హిందీలో దిలీప్ కుమార్, అనిల్ కపూర్ వంటి హీరోలతో కైకాల సత్యనారాయణ నటించారు.
