Akhanda Updates: అంతా చక్కగా ఉంటె ఈ నెల 28 నాటికి బాలయ్య – బోయపాటి కాంబినేషన్ మూడో సినిమా థియేటర్లలో గర్జించేది.. మే 28 న అఖండ విడుదల అనుకున్నప్పటికీ.. కరోనా రెండో దశ కారణంగా వాయిదా పడింది. ఇక ఈ సినిమా అప్డేట్స్ కూడా ఆగిపోయాయి.. అప్పుడెప్పుడో ఒక టీజర్.. ఆ తర్వాత పేరు టీజర్ వచ్చాయి. మళ్ళీ ట్రైలర్, ఇంకో టీజర్ రాలేదు. అప్డేట్ ఏమి రాలేదు. నందమూరి అభిమానులకు నిరాశ ఎదురవుతుంది. అందుకే బాలయ్య పుట్టిన రోజు సందర్భంగా వచ్చే నెల 10 న ఓ సర్ప్రైజ్ ప్లాన్ చేస్తున్నారు. అభిమానాయులను అలరించేలా ఓ ట్రైలర్ విడుదల చేయడానికి సన్నాహాలు చేస్తున్నారు. సినిమా ఎప్పుడు విడుదల అనేది స్పష్టత రాలేదు. ట్రైలర్ మాత్రం జూన్ 10 న విడుదల చేయనున్నారు.
Akhanda Updates: మూడు ప్రత్యేక పాత్రల్లో బాలయ్య..!?
ఇక బోయపాటి – బాలయ్య కాంబినేషన్ అంటే మాంచి మసాలా ఫైట్లు.., భారీ డైలాగులు ఉంటాయి. అందులో ఆరితేరిన బాలయ్యకి బోయపాటి ద్వారా మరింత ఘాటైన సంభాషణలు దక్కుతాయి. ఇక ఈ సినిమాలో బాలయ్య మూడు ప్రత్యేక పాత్రల్లో కనిపించనున్నారని తెలుస్తుంది. మూడు గెటప్ లలో ఉంటారా..!? మూడు వేర్వేరు పాత్రలా అనేది..? ఇప్పటికైతే సందేహమే. ఇప్పటికే బాలకృష్ణ – బోయపాటి కాంబినేషన్ లో వచ్చిన తొలి రెండు సినిమాల్లో బాలయ్య రెండు ప్రత్యేక పాత్రల్లో కనిపించారు. ఫ్లాష్ బ్యాక్ లో ఒక పవర్ ఫుల్ బాలయ్య.. ముందు నుండీ సాధారణ బాలయ్యని చూపించేవారు. ఈ చిత్రంలో మాత్రం రెండు పవర్ ఫుల్ పాత్రలు ఉంటాయని తెలుస్తుంది.