ఈరోజు చిల్డ్ర‌న్స్ డే.. ఈ సంద‌ర్భంగా స్టైలిష్ స్టార్ అల్లు అర్జున్ త‌న సినిమాకు సంబంధించిన మూడో సాంగ్‌ను విడుద‌ల చేశారు. `ఓ మై గాడ్ డాడీ` అంటూ సాగే సాంగ్ టీజ‌ర్‌ను విడుద‌ల చేశారు. ఆస‌క్తిక‌ర‌మైన విష‌య‌మేమంటే ఈ సాంగ్ టీజ‌ర్‌లో బ‌న్నీ త‌న‌యుడు అయాన్‌, కుమార్తె అర్హ క‌నిపించ‌డం విశేషం.ఈ పూర్తి పాటను న‌వంబ‌ర్ 22న విడుద‌ల చేస్తామ‌ని యూనిట్ తెలిపింది. బ‌న్నీ, త్రివిక్ర‌మ్ కాంబినేష‌న్‌లో రూపొందుతున్న హ్యాట్రిక్ మూవీ `అల…వైకుంఠ‌పుర‌ములో…`. త‌మ‌న్ సంగీతం అందిస్తున్న ఈ సినిమాకు సంబంధించిన రెండు సాంగ్స్ సోష‌ల్ మీడియాలో సెన్సేష‌న్ క్రియేట్ చేశాయి. సంక్రాంతికి సినిమాను విడుద‌ల చేస్తున్నారు.
