Garikapati Allu Arjun: ప్రవచనకర్త గరికపాటి నరసింహారావు ఇటీవల వివాదాలకు కేరాఫ్ అడ్రస్ గా మారిపోయారు. కొద్ది రోజుల క్రితం “అలయ్ బలయ్” కార్యక్రమంలో చిరంజీవిపై నోరు పారేసుకుని ఇండస్ట్రీలో చాలామంది ప్రముఖుల చేత మెగా ఫ్యాన్స్ చేత గరికపాటి తిట్టించుకోవడం తెలిసిందే. అందరూ చూస్తూ ఉండగానే మైకులో “అలయ్ బలయ్” వేదికపై చిరంజీవిపై గరికపాటి అసహనం వ్యక్తం చేయడం పట్ల.. చాలా మంది తప్పు పడుతున్నారు. ఆధ్యాత్మిక గురువు ఈ రీతిగా కామెంట్లు చేయడం గౌరవం కాదని చెప్పుకొస్తున్నారు. ఇదిలా ఉంటే సరిగ్గా ఎనిమిది నెలల క్రితం ఓ ప్రముఖ టీవీ న్యూస్ ఛానల్ ఇంటర్వ్యూలో “పుష్ప” సినిమాపై గరికపాటి సీరియస్ వ్యాఖ్యలు చేయడం తెలిసిందే.
ఒక స్మగ్లర్ నీ “పుష్ప” సినిమాలో హీరోగా చూపించడం ఏంటి అంటూ మండిపడ్డారు. అదే సమయంలో సినిమా తీసిన దర్శకుడు లేదా హీరో కనిపిస్తే కడిగిపారేస్తా .. వాళ్లు నాకు సమాధానం చెప్పి తీరాలి. పైగా ఇటువంటి సినిమాలు తీసి తగ్గేదేలే అనే డైలాగు ఇప్పుడు పెద్ద ఉపనిషత్తు లాగా మారిపోయింది. ఇటువంటి సినిమాలు తీసి సమాజాన్ని చెడగొడుతున్నారు అంటూ గరికపాటి అప్పట్లో పుష్పపై ఆగ్రహం వ్యక్తం చేశారు. కాగా ఇప్పుడు సాక్షాత్తుగా “ఇండియన్ ఆఫ్ ది ఇయర్”గా బన్నీకి అవార్డు ఇవ్వడం జరిగింది. పైగా ఈ అవార్డును కేంద్రమంత్రి స్మృతి ఇరానీ చేతుల మీదుగా బన్నీ తీసుకున్నారు. దీంతో బన్నీ ఫ్యాన్స్ ఫుల్ హ్యాపీగా ఫీల్ అవుతున్నారు.
ఇక ఇదే సమయంలో గరికపాటి పై సెటైర్ లు వేస్తున్నారు. ఒక స్మగ్లర్ అంటూ ఆనాడు గరికపాటి మా అభిమాన హీరో బన్నీ నటించిన “పుష్ప” సినిమాపై వివాదాస్పద వ్యాఖ్యలు చేశారు. ఇప్పుడు సాక్షాత్తు కేంద్రమంత్రి “ఇండియన్ ఆఫ్ ది ఇయర్” గా.. బన్నీని సత్కరించారు ఇప్పుడు ఎవరిని కడుగుతావు.. గరికపాటి అంటూ తమదైన శైలిలో బన్నీ అభిమానులు కౌంటర్లు వేస్తున్నారు.
