`దేశముదురు` సినిమా పేరు చెప్పగానే ఎవరికైనా అల్లు అర్జున్, హన్సిక జంట గుర్తుకొస్తుంది. కులుమనాలిలో సాత్విగా కనిపించే హన్సిక రూపం కళ్ల ముందు మెదులుతుంది. ఈ సినిమా ఆమెకు తెలుగులో తొలి చిత్రం. ఆ తర్వాత తిరిగి చూసుకోవాల్సిన అవసరం లేనన్ని సినిమాలు చేసింది. తెలుగులో కాస్త మార్కెట్ డౌన్ కావడం మొదలుపెట్టగానే కోలీవుడ్లో స్థిరపడింది. అక్కడ శింబుతో ప్రేమ, బ్రేకప్ అన్నీ వరుసగా జరిగాయి.
ఆ తర్వాత కూడా హన్సికకు మాత్రం ఏమీ సినిమాలు తగ్గలేదు. ఓ వైపు లేడీ ఓరియంటెడ్ సినిమాలు, అడపాదడపా గోపీచంద్, విష్ణు లాంటి హీరోలు చేసే కమర్షియల్ సినిమాల్లో నటిస్తూనే ఉంది. తాజాగా ఆమె మళ్లీ `దేశముదురు` కాంబినేషన్ను రిపీట్ చేస్తున్నట్టు టాక్.
`దేశముదురు` అల్లు అర్జున్ హీరోగా `ఐకాన్` అనే సినిమా రూపొందుతోంది. వేణు శ్రీరామ్ దర్శకత్వం వహిస్తున్నారు. దిల్ రాజు నిర్మాత. శ్రీ వెంకటేశ్వర క్రియేషన్స్ పతాకంపై రూపొందిస్తున్నారు. వేణు శ్రీరామ్కు కూడా హన్సిక కొత్తేం కాదు. వీళ్లిద్దరి కాంబినేషన్లో గతంలో `ఓ మై ఫ్రెండ్` అనే సినిమా రూపొందింది. అందులో సిద్ధార్థ్ సరసన హీరోయిన్గా చేసింది హన్సిక. ఆ సినిమాకు కూడా దిల్రాజు నిర్మాత.
కాకపోతే తాజా `ఐకాన్`లో హన్సిక పాజిటివ్ రోల్ చేయడం లేదట. ఆమె పాత్ర నెగటివ్ షేడ్స్ లో ఉంటుందని టాక్. హన్సిక అయితే ఆ పాత్రకు సూట్ అవుతుందని అల్లు అర్జున్ కూడా ఓకే చెప్పారట. నెగటివ్ షేడ్స్ చేయాలనుకుంటున్న హీరోయిన్లలో వెరీ ఫస్ట్ గా తన కోరికను తీర్చుకుంటున్నది హన్సిక అన్నమాట.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!