తెలుగు సినిమాల్లో ప్రతిష్టాత్మకంగా తెరకెక్కుతున్న సినిమాల లిస్టులో బన్నీ ‘పుష్ప’ కూడా ముందు వరుసలో ఉంది. క్రియేటివ్ డైరక్టర్ సుకుమార్ దర్శకత్వంలో తెరకెక్కుతున్న ఈ సినిమాపై ఫ్యాన్స్ లో, బిజినెస్ సర్కిల్స్ లో భారీ అంచనాలు నెలకొన్నాయి. కొంత షూటింగ్ తర్వాత లాక్ డౌన్ వచ్చింది. ఇటివల మళ్లీ షూటింగ్ ప్రారంభమయ్యాక అనుకోని పరిస్థితుల్లో షూటింగ్ మళ్లీ వాయిదా పడిందని వార్తలు వస్తున్నాయి. ఈ నేపథ్యంలో పుష్ప టీమ్ కు మరో షాక్ తగిలిందని తెలుస్తోంది. సినిమాలో కీలక పాత్రకు అనసూయను తీసుకున్నట్టు తెలుస్తోంది. కానీ.. అనసూయ షాక్ ఇచ్చిందని అంటున్నారు.
పుష్ప సినిమా నుంచి అనసూయ తప్పుకుందని తెలుస్తోంది. రంగస్థలం తర్వాత పుష్ఫ సినిమాలో అనసూయకు మరో పాత్ర దక్కిందని వార్తలు వచ్చాయి. రంగస్థలంతో రఫ్ పాత్రను అవలీలగా పోషించి తనలోని యాక్టింగ్ ఎబిలిటీస్ ను పక్కాగా పెర్ఫార్మ్ చేసిందని పేరు తెచ్చుకుంది. ఇప్పుడు పుష్ప కూడా ఔట్ అండ్ ఔట్ మాస్ కంటెంట్ తో తెరకెక్కుతున్న సినిమాగా చెప్తున్నారు. బన్నీ ఫస్ట్ లుక్, ఇటివల లీక్ అయిన పిక్ ఇదే చెప్తున్నాయి. ఈ నేపథ్యంలో అనసూయకు కూడా మాస్ పాత్రను సుకుమార్ డిజైన్ చేశాడని అంటున్నారు. కానీ.. అనసూయ ఇప్పుడు ఆ పాత్రను రిజెక్ట్ చేసిందని వార్త ఇండస్ట్రీలో వైరల్ గా మరింది.
అయితే.. ఈ వార్తపై ఇంకా అఫీషియల్ న్యూస్ రివీల్ కాలేదు. అనసూయ నుంచి, పుష్ప టీమ్ నుంచి కూడా ఎటువంటి క్లారిటీ రాలేదు. కానీ.. ఈ వార్త వైరల్ అవుతోంది. ఇటివల అనసూయ తమిళ స్టార్ హీరో విజయ్ సేతుపతి సినిమాలో నటిస్తున్నట్టు వార్తలు వస్తున్నాయి. వీరిద్దరి పిక్ కూడా ఇటివల వైరల్ అయింది. ఈ నేపథ్యంలో పుష్పను రిజెక్ట్ చేసిందా.. మరోసారి రంగమ్మత్త లాంటి రఫ్ క్యారెక్టర్ వద్దని పుష్పను రిజెక్ట్ చేసిందా.. అసలు ఇదంతా గాసిప్ వార్తేనా అనే విషయం అనసూయ రివీల్ చేయాల్సి ఉంది.