NBK 108: దర్శకుడు అనిల్ రావిపూడి దర్శకత్వంలో బాలకృష్ణ సినిమా చేయనున్న సంగతి తెలిసిందే. ఈ సినిమా ప్రకటన కొద్ది నెలల క్రితం జరిగింది. “NBK 108” వర్కింగ్ టైటిల్ తో తెరకెక్కనుంది. దీంతో షూటింగ్ ఎప్పుడు మొదలవుతుందో అని అభిమానులు ఎప్పటినుండో ఉత్కంఠ భరితంగా ఎదురుచూస్తున్నారు. ఈ క్రమంలో డిసెంబర్ 8వ తారీకు నుండి… రెగ్యులర్ షూటింగ్ స్టార్ట్ చేయనున్నట్లు కొద్ది రోజుల క్రితం అనిల్ రావిపూడి క్లారిటీ ఇవ్వటం జరిగింది. దీంతో ఎల్లుండి నుంచి ఈ సినిమా షూటింగ్ నేపథ్యంలో హీరోయిన్ విషయంలో అనేక పేర్లు బయట ప్రచారంలో ఉన్నాయి. అయితే తాజాగా ఇండస్ట్రీ నుండి అందుతున్న సమాచారం ప్రకారం ప్రియాంక జవాల్కర్..నీ ఎంపిక చేసినట్లు టాక్.
అంతేకాదు ఎప్పటికీ ఈమెపై ఫోటోషూట్ కూడా నిర్వహించినట్లు సమాచారం. ఎల్లుండి నుండి ఈ సినిమా రెగ్యులర్ షూటింగ్ స్టార్ట్ కానుంది. మొదట బాలకృష్ణ యాక్షన్స్ సన్నివేశాలు చిత్రీకరించనున్నారట. ఇంకా ఈ సినిమాలో శ్రీ లీల కీలక పాత్రలో కనిపిస్తుంది. సినిమాల బాలకృష్ణ పాత్ర చాలా వైవిధ్యంగా అనిల్ రావిపూడి తీర్చిదిద్దినట్లు సమాచారం. ఇండస్ట్రీలో ప్రస్తుతం ఉన్న దర్శకుల అందరిలో కమర్షియల్ ఎంటర్టైన్మెంట్ తరహాలో తనదైన పంచ్ లు.. కామెడీ టైమింగ్ తో అనిల్ రావిపూడి సినిమాలు ప్రేక్షకులను ఎంతగానో ఆకట్టుకుంటాయి. దీంతో ఇప్పటివరకు మనోడికి ఒక్క పరాజయం కూడా లేదు. ఈ క్రమంలో ఇదే తరహాలో బాలకృష్ణ పాత్ర సీరియస్ గా ఉన్నాగాని ఆయన చుట్టూ ఉండే పాత్రలు చేసే కామెడీ.. సినిమా చూసే ప్రేక్షకులను కడుపుబ్బ నవ్వించే రీతిగా.. స్క్రిప్ట్ సిద్ధం చేసినట్లు వార్తలు వస్తున్నాయి.
బాలకృష్ణ కెరియర్ లో ఇప్పటి వరకు ఎవరు చూడని కోణాన్ని సినిమాలో చూపిస్తున్నట్లు ఇండస్ట్రీ వర్గాలు అంటున్నాయి. ప్రస్తుతం బాలయ్య.. గోపీచంద్ మలినేని దర్శకత్వంలో “వీరసింహారెడ్డి” సినిమా షూటింగ్ కంప్లీట్ చేసే పనిలో ఉన్నారు. ఈ సినిమా జనవరి 13వ తారీకు.. సంక్రాంతి కానుకగా విడుదల కానుంది. ఆ తర్వాత అనిల్ రావిపూడి తో చేయబోయే సినిమా కూడా త్వరగానే కంప్లీట్ చేసి కుదిరితే వేసవిలోనే విడుదల చేసే ఆలోచనలో బాలకృష్ణ ఉన్నట్లు సమాచారం.