NBK 108: నటసింహం నందమూరి బాలయ్య బాబు ప్రస్తుతం గోపీచంద్ మల్లినేని దర్శకత్వంలో “వీరసింహారెడ్డి” సినిమా కంప్లీట్ చేసే పనిలో ఉన్నారు. సంక్రాంతి కానుకగా జనవరి 12వ తారీకు ఈ సినిమా విడుదల కానుంది. ఒక సాంగ్ విన్నావా షూటింగ్ మొత్తం కంప్లీట్ అయింది. మరోపక్క పోస్ట్ ప్రొడక్షన్ పనులు కూడా చక చక జరిగిపోతున్నాయి. పరిస్థితి ఇలా ఉంటే ఇప్పుడు అనిల్ రావిపూడి దర్శకత్వంలో నటిస్తున్న సినిమా షూటింగ్ కూడా స్టార్ట్ అయిపోయింది. ఈరోజు నుండే ఈ సినిమాకి సంబంధించి షూటింగ్ స్టార్ట్ అయినట్లు దర్శకుడు అనిల్ రావిపూడి తెలియజేశారు.
ఈ సందర్భంగా ట్విట్టర్ లో సంచలన కామెంట్ పెట్టాడు. “అన్న దిగిండు.. గిప్పడి సంధి లెక్కలు టక్కర్” అని రాసుకురావడం జరిగింది. దీంతో ఈ సినిమా తెలంగాణ నేపథ్యంలో… ఆ యాసలో చేయనున్నట్లు తెలుస్తోంది. సైన్ స్క్రీన్స్ నిర్మాణంలో తెరకెక్కుతున్న ఈ మూవీకి తమన్ మ్యూజిక్ అందిస్తున్నాడు. ఇంకా బాలకృష్ణ సరసన ప్రియాంక జగదేక హీరోయిన్ గా చేస్తున్నట్లు సమాచారం. శ్రీలీల కీలకపాత్రలో కనిపిస్తుందట. ఇప్పటివరకు బాలకృష్ణ కెరియర్ లో చెయ్యని పాత్రలో చాలా పవర్ఫుల్ రోల్ లో బాలయ్య ని చూపించడంతో పాటు తన కామెడీ టచ్ ఉంటుందని దర్శకుడు అనిల్ రావిపూడి చెప్పటంతో ఈ సినిమాపై అంచనాలు ఓ రేంజ్ లో ఉన్నాయి.
“NBK 108” వర్కింగ్ టైటిల్ తో షూటింగ్ జరుపుకుంటున్న ఈ సినిమా.. అతి తక్కువ టైంలోనే కంప్లీట్ చేసే దిశగా డైరెక్టర్ అనిల్ రావిపూడి .. షెడ్యూల్స్ ప్లాన్ చేసినట్లు సమాచారం. టాలీవుడ్ ఇండస్ట్రీలో దర్శకుడిగా అనిల్ రావిపూడి కి ఒక్క ఫ్లాప్ కూడా లేదు. దీంతో ఈ సినిమాపై అభిమానులు భారీ అంచనాలు పెట్టుకున్నారు.