Pawan Trivikram: తెలుగు చలనచిత్ర రంగంలో పవన్… త్రివిక్రమ్ కాంబినేషన్ తిరుగులేనిది. వరుస పరాజయాలలో ఉన్న పవన్ కళ్యాణ్ కి 2007వ సంవత్సరంలో “జల్సా” సినిమాతో త్రివిక్రమ్ మొదటి హిట్ అవ్వడం జరిగింది. అనంతరం “అత్తారింటికి దారేది”తో బ్లాక్ బస్టర్ ఇవ్వటం జరిగింది. ఈ రెండు సినిమాలతో త్రివిక్రమ్ పై పవన్ కళ్యాణ్ అభిమానులకు విపరీతమైన అభిమానం పెరిగింది. అదే సమయంలో త్రివిక్రమ్ తన వ్యక్తిగత జీవితాలకు సంబంధించి చాలా విషయాలు కలుగజేసుకొని మానసిక ఒత్తిడి తన దగ్గరకు రాకుండా చూసుకునే దర్శకుడు అని చెప్పడం జరిగింది. ఇటీవల బాలకృష్ణ షో అన్ స్టాపబుల్ కీ వచ్చిన పవన్ కళ్యాణ్… త్రివిక్రమ్ తనకి గురువు లాంటివాడని కూడా కీలక వ్యాఖ్యలు చేశారు.
చాలా వరకు పవన్ వ్యక్తిగత విషయాలు సినిమా విషయాలు త్రివిక్రమ్ దగ్గర ఉండి చూసుకుంటున్నారు. గత ఏడాది కే. సాగర్ చంద్ర దర్శకత్వంలో పవన్ కళ్యాణ్ నటించిన “భీమ్లా నాయక్” సినిమాకీ త్రివిక్రమ్ డైలాగులతో పాటు స్క్రీన్ ప్లే వర్క్ చేయడం జరిగింది. కాగా ఇప్పుడు పవన్ కళ్యాణ్ కోసం త్రివిక్రమ్ స్టోరీ సిద్ధం చేయడం జరిగిందట. ఆ స్టోరీ తో కేశవ సినిమా తీసిన దర్శకుడు సుధీర్ వర్మ పవన్ కళ్యాణ్ తో పని చేయబోతున్నారంట. ఈ విషయాన్ని సుధీర్ వర్మ ఇటీవల ఓ ఇంటర్వ్యూలో తెలియజేశారు.
తాను తీసిన కేశవా సినిమా త్రివిక్రమ్ కి చాలా బాగా నచ్చడంతో ఆయన ఇటీవల పవన్ కళ్యాణ్ కోసం సిద్ధం చేసిన కథ బాధ్యత తనకి అప్పజెప్పటం జరిగిందని స్పష్టం చేశారు. ఈ ప్రాజెక్టు ఎప్పుడు స్టార్ట్ అవుతుంది అనేది త్వరలోనే అధికారిక ప్రకటన ఉంటుందని పేర్కొన్నారు. ప్రస్తుతం పవన్ కళ్యాణ్ సాయి ధరమ్ తేజ్ తో మల్టీ స్టారర్ సినిమా చేస్తున్నారు. ఇది కంప్లీట్ అయిన వెంటనే సుజిత్ దర్శకత్వంలో “OG” అనే సినిమా చేయనున్నారు. ఆ తర్వాత హరీష్ శంకర్ దర్శకత్వంలో ఉస్తాద్ భగత్ సింగ్ ప్రాజెక్ట్ స్టార్ట్ చేయనున్నట్లు సమాచారం. ఈ మూడు ప్రాజెక్టులు కంప్లీట్ అయిన వెంటనే సుధీర్ వర్మ సినిమా స్టార్ట్ చేసే అవకాశాలున్నట్లు ఇండస్ట్రీ వర్గాలు అంటున్నాయి.