Anu Emmanuel : నాచురల్ స్టార్ నాని హీరోగా తెరకెక్కిన మజ్ను చిత్రం ద్వారా తెలుగు ప్రేక్షకులకు పరిచయమైన మలయాళ కుట్టి అను ఇమ్మాన్యుయేల్ నటన పరంగా మంచి మార్కులు వచ్చినప్పటికీ ఈ సినిమా ప్రేక్షకాదరణ పొందలేదు అని చెప్పవచ్చు. అయితే ఈ మలయాళ కుట్టికి మాత్రం అవకాశాలు వస్తున్నప్పటికీ సరైన హిట్ దొరకలేదని చెప్పవచ్చు. తను నటించిన సినిమాలు విజయవంతం కానప్పటికీ తన ప్రయత్నం ఏ మాత్రం వదలకుండా సినిమాలు చేస్తున్న అను ఇమ్మాన్యుయేల్ తాజాగా బెల్లంకొండ శ్రీనివాస్ సరసన “అల్లుడు అదుర్స్” చిత్రం ద్వారా మరోసారి ప్రేక్షకుల ముందుకు వచ్చింది.
సంక్రాంతి కానుకగా విడుదలైన ఈ సినిమా పెద్దగా ప్రేక్షకాదరణ నోచుకోలేదు. అయితే ఈ సినిమాలో నటించిన అను ఇమ్మాన్యుయేల్ కి మాత్రం ఓ చేదు అనుభవం ఎదురైంది. అదేమిటంటే… ఈ సినిమా కోసం చిత్ర బృందం హీరోయిన్ పాత్రలో నటించడానికి అను ఇమ్మాన్యుయేల్ ను సంప్రదించినప్పుడు తనకు 75 లక్షల రూపాయల పారితోషికాన్ని ఇస్తానని నిర్మాతలు చెప్పడంతో ఈ సినిమాలో నటించడానికి ఒప్పుకున్నారు.అదేవిధంగా సినిమా నిర్మాణం జరుగుతున్నప్పుడు ఈ హీరోయిన్ కి రెమ్యునరేషన్ కేవలం 30 లక్షలు మాత్రమే ఇచ్చారట. మిగిలిన 45 లక్షల రూపాయల రెమ్యునరేషన్ నిర్మాతలు ఇవ్వలేదని తెలియజేశారు.
ఈ విషయం గురించి అను ఇమ్మాన్యుయేల్ మేనేజర్, నిర్మాతలను ఎన్నిసార్లు కలిసినప్పటికి ఎలాంటి ప్రయోజనం లేకపోయింది. రెమ్యూనరేషన్ విషయంలో ఏం చేయాలో తెలియక ,ఇక చేసేదేమి లేక బాధపడుతున్న ఈ మలయాళ కుట్టి ప్రస్తుతం మరొక సినిమాలో కూడా నటిస్తున్నారు. అజయ్ భూపతి దర్శకత్వంలో తెరకెక్కుతున్న “మహాసముద్రం” సినిమా లో ఇద్దరు హీరోయిన్ లు కనిపిస్తారు. అందులో ఒక పాత్రలో అను ఇమ్మాన్యుయేల్ నటిస్తున్నట్లు సమాచారం. ఈ సినిమాలో శర్వానంద్, సిద్ధార్థలు హీరోలుగా నటిస్తున్నారు ఏకే ఎంటర్టైన్మెంట్స్ బ్యానర్ పై రూపొందుతున్న ఈ చిత్రాన్ని ఆగస్టు 19 న ప్రేక్షకుల ముందుకు తీసుకురావడానికి చిత్ర నిర్మాత అనిల్ సుంకర ఆలోచన చేస్తున్నట్లు సమాచారం.
