Anupama parameswaran: అనుపమ పరమేశ్వరన్‌.. ఈ పేరుకు ప‌రిచ‌యాలు అవ‌స‌రం లేదు. `ప్రేమమ్` అనే మ‌ల‌యాళ చిత్రంతో సినీ రంగ ప్ర‌వేశం చేసిన అనుపమ.. మాట‌ల మాంత్రికుడు త్రివిక్ర‌మ్ శ్రీ‌నివాస్ ద‌ర్శ‌క‌త్వంలో వ‌చ్చిన `అ ఆ` మూవీతో తెలుగు ఇండ‌స్ట్రీలోకి అడుగు పెట్టింది. మొద‌టి చిత్రంతోనే యూత్‌ను ఆక‌ట్టుకున్న ఈ భామ.. `శతమానం భవతి` సినిమాలో శ‌ర్వానంద్‌కి జోడీగా న‌టించి మంచి గుర్తింపును ద‌క్కించుకుంది.
ఆ త‌ర్వాత వ‌రుస ఆఫ‌ర్ల‌ను అందుకుంటూ స‌త్తా చాటుతోంది. ఇక కెరీర్ స్టార్టింగ్‌ నుంచీ ఎక్స్‌పోజింగ్‌కు ఆమ‌డ దూరంలో ఉంటూ వ‌స్తోన్న ఈ భామ.. తాజాగా మాత్రం హాట్ గేర్ వేసి తన అందాల‌తో సోష‌ల్ మీడియాను హీటెక్కించింది. స్లీవ్ లెస్ బ్లౌజ్, రెడ్ క‌ల‌ర్ శారీను ధ‌రించిన అనుపమ.. వీపు అందాల‌ను చూపిస్తూ కిల్లింగ్ స్మైల్‌తో ఫొటోల‌కు పోజులిచ్చింది. అంతే కాదు, అందుకు సంబంధించిన పిక్స్‌ను తన ఇన్‌స్టాగ్రామ్ అకౌంట్ ద్వారా షేర్ చేసింది.
ఇకేముంది అనుపమ వ‌య్యారాలు చూశాక కుర్రాళ్లు ఆగుతారా.. ఆమె పిక్స్‌ను నెట్టింట తెగ వైర‌ల్ చేసేస్తున్నారు. కాగా, అనుపమ సినిమాల విష‌యానికి వ‌స్తే.. యంగ్ హీరో నిఖిల్‌తో ఈమె `18పేజెస్‌` చిత్రం చేస్తోంది. పల్నాటి సూర్యప్రతాప్ ద‌ర్శ‌క‌త్వం వ‌హిస్తున్న ఈ చిత్రం త్వ‌ర‌లోనే విడుద‌ల కానుంది. అలాగే నిఖిల్ హీరోగా రూపుదిద్దుకుంటున్న `కార్తికేయ 2` సినిమాలోనూ అనుప‌మ‌నే హీరోయిన్‌గా చేస్తోంది. చందూ మొండేటి దర్శకత్కంలో తెర‌కెక్కిస్తున్న ఈ చిత్రం శ‌ర‌వేగంగా షూటింగ్ జ‌రుపుకుంటోంది. దీంతో పాటు `రౌడీ బాయ్స్‌` అనే మూవీలోనూ న‌టిస్తోంది.
