Rana-Anushka: బ్రో అంటూ రానాకు అనుష్క స్వీట్ విషెస్‌.. అస‌లు క‌థ ఏంటంటే?

Rana-Anushka: సినీ నిర్మాత దగ్గుబాటి రామానాయుడు మనవడు, దగ్గుబాటి సురేశ్ బాబు త‌న‌యుడు రానా ద‌గ్గుబాటి గురించి ప‌రిచ‌యాలు అవ‌స‌రం లేదు. `లీడ‌ర్` చిత్రంతో సినీ రంగ ప్ర‌వేశం చేసిన రానా.. భారీ సినీ బ్యాక్‌గ్రౌండ్ ఉన్న‌ప్ప‌టికీ త‌న‌దైన టాలెంట్‌తో స్టార్ ఇమేజ్‌ను సొంతం చేసుకున్నాడు. తెలుగులోనే కాదు త‌మిళ్‌, హిందీ భాష‌ల్లోనూ ఈయ‌న‌కు మాంచి క్రేజ్ ఉంది.

ఏ పాత్రలో అయినా ఇట్టే ఒదిగిపోగ‌ల విల‌క్ష‌ణ న‌టుడీయ‌న‌. అయితే తాజాగా రానా సినీ ప‌రిశ్ర‌మ‌లో 12 యేళ్ల ప్రస్థానాన్ని కంప్లీట్ చేసుకున్నాడు. ఇన్నేళ్ల సినీ కెరీర్‌లో హీరోగా, విల‌న్‌గా, స‌హాయ న‌టుడిగా, వ్యాఖ్యాత‌గా ప్రేక్ష‌కుల‌ను ఫుల్ ఎంట‌ర్‌టైన్ చేసిన ఆయ‌న‌.. `అర్జున్‌ ప్రసాద్‌(లీడర్‌) నుంచి డేనియల్‌ శంకర్‌(భీమ్లా నాయక్‌) వరకు.. అప్పుడే 12 ఏళ్లు పూర్తయ్యాయి.

నన్ను ఎంతగానో ఆదరిస్తున్న మీ అందరికీ ధన్యవాదాలు.. మున్ముందు కూడా కొత్త కొత్త కథలు, పాత్రలను మీకు పరిచయం చేస్తాను.` అంటూ ట్వీట్ చేశాడు. ఇక రానా ట్వీట్‌ను రీట్వీట్ చేసిన ప్ర‌ముఖ హీరోయిన్ అనుష్క శెట్టి.. `ఇలాగే ముందుకు సాగు బ్రో` అంటూ స్వీట్‌గా విషెస్ తెలిపింది. దీంతో అనుష్క ట్వీట్ కాస్త వైర‌ల్‌గా మారింది.

కాగా, రానా త్వ‌ర‌లోనే `భీమ్లా నాయ‌క్‌` సినిమాతో ప్రేక్ష‌కుల‌ను ప‌ల‌క‌రించ‌బోతున్నాడు. ప‌వ‌ర్ స్టార్ ప‌వ‌న్ క‌ళ్యాణ్, రానా ద‌గ్గుబాటి ప్ర‌ధాన పాత్ర‌ల్లో సాగ‌ర్ కె. చంద్ర ద‌ర్శ‌క‌త్వంలో రూపుదిద్దుకున్న ఈ సినిమా ఫిబ్ర‌వ‌రి 25న గ్రాండ్‌గా విడుద‌ల కాబోతోంది.

Great going bro 🥳❤️ https://t.co/GfizecD7LR

— Anushka Shetty (@MsAnushkaShetty) February 20, 2022

kavya N

See Full Bio