నిఖిల్ `అర్జున్ సురవరం`కు కష్టాలు ఇప్పట్లో తప్పడం లేదు. ఆయన హీరోగా నటించిన `అర్జున్ సురవరం` మరోసారి వాయిదా పడింది. నిజానికి మే 1న విడుదల కావాల్సిన ఈ సినిమాకు అవెంజర్స్: ఎండ్ గేమ్ రూపంలో గండం ఎదురైంది. ఏప్రిల్ 26 న హాలీవుడ్ చిత్రం అవెంజర్స్: ఎండ్ గేమ్ భారీస్థాయిలో విడుదలవుతోంది. అలాగే రీసెంట్గా విడుదలైన మజిలీ, చిత్రలహరి, జెర్సీ చిత్రాలు బాక్సాఫీస్ వద్ద మంచి కలెక్షన్స్ రాబడుతున్నాయి. ఈ తరుణంలో డిస్ట్రిబ్యూటర్స్ వాటిని పక్కకు పెట్టి అర్జున్ సురవరం చిత్రాన్ని విడుదల చేయడానికి ఆసక్తి చూపడం లేదు. డిస్ట్రిబ్యూటర్స్ కోరిక మేర `అర్జున్ సురవరం`ను వాయిదా వేశారు. ఈ విషయాన్ని హీరో నిఖిల్, డిస్ట్రిబ్యూటర్స్ ఏషియన్ అధికారికంగా తెలియజేశారు. త్వరలోనే రిలీజ్ డేట్ను అనౌన్స్ చేస్తామని `అర్జున్ సురవరం` నిర్మాతలు తెలిపారు.
previous post