Bandla Ganesh: సాగర్ కే చంద్ర దర్శకత్వంలో పవన్ కళ్యాణ్ నటించిన “భీమ్లా నాయక్” ఈ ఏడాది ఫిబ్రవరి నెలలో విడుదలై సూపర్ డూపర్ హిట్ అయిన సంగతి తెలిసిందే. పవన్ తో పాటు ఈ మూవీలో రానా కూడా నటించడంతో భారీ అంచనాలు మధ్య రిలీజ్ అయినా ఈ మూవీ బాక్స్ ఆఫీస్ వద్ద అనేక రికార్డ్స్ సృష్టించింది. కాగా ఈ సినిమా ప్రీ రిలీజ్ వేడుక హైదరాబాద్ యూసఫ్ గూడ ప్రాంతంలో జరగడం తెలిసిందే. ఈ కార్యక్రమానికి తెలంగాణ మంత్రి కేటీఆర్ ముఖ్యఅతిథిగా హాజరయ్యారు. సరిగ్గా ఈ సినిమా ప్రీ రిలీజ్ వేడుకకు ముందు.. బండ్ల గణేష్ ఆడియో మీడియాలో సంచలనం సృష్టించింది.
ఆ ఆడియోలో డైరెక్టర్ త్రివిక్రమ్ ని బండ్ల గణేష్ బండ బూతులు తిట్టారు. రాయలేని భాషలో త్రివిక్రమ్ పై విరుచుకుపడ్డారు. కావాలని పవన్ కళ్యాణ్ నుండి దూరం చేస్తున్నట్టుగా త్రివిక్రమ్ వ్యవహరిస్తున్నట్లు.. పవన్ కళ్యాణ్ అభిమానులతో బండ్ల గణేష్ సంభాషణ ఆ ఆడియోలో ఉంది. “భీమ్లా నాయక్” ప్రీ రిలీజ్ వేడుకకు కావాలని తనని పిలవలేదని, పిలవని వేడుకకు వెళ్లడం కరెక్ట్ కాదని ఆ ఆడియోలో బండ్ల గణేష్ పేర్కొన్నారు. అయితే ఆ టైంలో అది తనది కాదని చెప్పిన బండ్ల గణేష్ ఇటీవల ఓ ప్రముఖ యూట్యూబ్ ఛానల్ కి ఇచ్చిన ఇంటర్వ్యూలో ఆ ఆడియో తనదేనని ఒప్పుకున్నారు.
“ఏదో కోపం వచ్చి చేశాను. తర్వాత డైరెక్టర్ త్రివిక్రమ్ కి క్షమాపణలు కూడా చెప్పడం జరిగింది. ఒకసారి కోపం వచ్చినంత మాత్రాన మేమిద్దరం విడిపోము”.. అంటూ బండ్ల గణేష్ తెలియజేశారు. కాగా త్రివిక్రమ్ పై బండ్ల బూతుల ఆడియో విడుదలయ్యాక సోషల్ మీడియాలో ఇంకా ఎలక్ట్రానిక్ మీడియాలో విపరీతంగా వైరల్ అయ్యింది. దీంతో “భీమ్లా నాయక్” ప్రీ రిలీజ్ వేడుకలో త్రివిక్రమ్ ఉన్నా గానీ స్టేజ్ పై స్పీచ్ ఇవ్వలేదు. ఆ సినిమాకి స్క్రీన్ ప్లే ఇంకా డైలాగులు త్రివిక్రమ్ అందించడం జరిగింది. అయినా కానీ బండ్ల గణేష్ ఆడియో దెబ్బకి మాటలు మాంత్రికుడు త్రివిక్రమ్ నోట నుండి మాటలు రాలేదు. “భీమ్లా నాయక్” ప్రీ రిలీజ్ వేడుకలో త్రివిక్రమ్ ఫొటోలకే పరిమితం అయ్యారు.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!