Avika ghor : ఈ మధ్యకాలంలో హీరోయిన్లు కేవలం వారి పాత్రలకు మాత్రమే పరిమితం కాకుండా మరొక అడుగు ముందుకేసి సినిమా నిర్మాణ బాధ్యతలను తీసుకుంటున్నారు.ఈ క్రమంలోనే ఇప్పటికే కొందరు బాలీవుడ్ హీరోయిన్ల ప్రొడక్షన్ రంగంలోకి అడుగుపెట్టి మంచి విజయాన్ని సాధించారు. అయితే ఇదే కోవలోనే తెలుగు హీరోయిన్లు కూడా నిర్మాణ బాధ్యతలను చేపట్టారు. తాజాగా ప్రొడక్షన్ రంగంలోకి మరో హీరోయిన్ కూడా అడుగుపెట్టారు.
తనే “చిన్నారి పెళ్లికూతురు” ఫేం అవికాగోర్.చిన్నారి పెళ్లి కూతురు సీరియల్ ద్వారా ఎంతో మంది ప్రేక్షక అభిమానులను సొంతం చేసుకున్న తర్వాత “ఉయ్యాల జంపాల” సినిమా ద్వారా వెండితెరకు పరిచయమయ్యారు. తర్వాత “సినిమా చూపిస్త మావ”, ఎక్కడికి పోతావు చిన్నవాడా వంటి సినిమాల్లో నటించి మంచి విజయాలను అందుకున్న అవికాగోర్ ప్రస్తుతం నిర్మాతగా మారారు.
అవికా స్క్రీన్ క్రియేషన్స్ పేరుతో ఈమె ఒక నిర్మాణ సంస్థను మొదలుపెట్టారు. అవికా స్క్రీన్ క్రియేషన్స్, ఆచార్య క్రియేషన్స్ సంయుక్తంగా కలిసి ప్రొడక్షన్ నెంబర్ 3 రూపొందుతుంది. ఈ సినిమాలో అవికా గోర్ హీరోయిన్ పాత్రలో నటించగా, హీరోగా సాయి రోనక్ నటించనున్నారు.ఈ చిత్రానికి ఎం.ఎస్. చలపతి రాజు సహ నిర్మాత. ప్రముఖ యాడ్ ఫిల్మ్ మేకర్ మురళీ నాగ శ్రీనివాస్ గంధం దర్శకత్వం వహించనున్నారు.
Avika ghor : పెద్ద సాహసమే చేస్తున్న అవికాగోర్:
సాధారణంగా సినిమాలు నిర్మించాలంటే పెద్ద పెద్ద నిర్మాతలు సైతం ఒక్కోసారి వెనుకడుగు వేస్తుంటారు. అలాంటివి అవికా గోర్ ఇండస్ట్రీలోకి వచ్చిన అతి తక్కువ కాలంలోనే నిర్మాతగా వ్యవహరించడంతో చాలా పెద్ద బాధ్యత తీసుకుంటుందని చెప్పవచ్చు. ఈ సందర్భంగా అవికామాట్లాడుతూ.. “నా చిన్నప్పటి నుంచి ఎంటర్టైన్మెంట్ ఇండస్ట్రీలో ఉన్నాను. ఇక్కడ ప్రతి అంశాన్ని నిశితంగా గమనించా. అందుకని, ప్రొడక్షన్ లోకి రావాలని అనుకుంటున్నాను. ఆచార్య క్రియేషన్స్ కోసం రాసిన కథను మురళీ నాగ శ్రీనివాస్ గంధం నాకు చెప్పారు. దర్శకుడు చెప్పిన కథ నాకు బాగా నచ్చింది. నిర్మాతగా నా తొలి సినిమాకు ఇదే సరైన కథ అని భావించి ప్రొడక్షన్ రంగంలోకి అడుగు పెట్టినట్లు ఈ చిన్నారి పెళ్ళికూతురు తెలియజేశారు.