Balakrishna: బాలకృష్ణ Balakrishna నందమూరి నటసింహంగా అభిమానుల్లో పేరు తెచ్చుకున్నారు. ఆయన బాడీ లాంగ్వేజ్ కు తగ్గట్టుగానే సినిమాలు చేస్తూంటారు. ఇటివల ఆయన పుట్టినరోజు సందర్భంగా ఇచ్చిన ఓ ఇంటర్వ్యూలో ఒక సినిమా విషయంలో తప్పిదం జరిగిందని అంగీకరించారు. తండ్రి ఎన్టీ రామారావు సినీ, రాజకీయ ప్రస్థానాన్ని ప్రేక్షకులకు మరింత చేరువ చేయాలనే ఉద్దేశంతో సినిమా తెరకెక్కించిన విషయం తెలిసిందే. ఈక్రమంలో ఎన్టీఆర్ కథానాయకుడు, మహానాయకుడు సినిమాలు తెరకెక్కించారు. అయితే.. ఆ రెండు సినిమాలు సరైన ఫలితాన్ని ఇవ్వలేదు. పైగా.. సినిమా మేకంగ్, ఇతివృత్తం, బాలకృష్ణ మేకోవర్ పై అనేక విమర్శలు వచ్చాయి. ఇన్నాళ్లూ ఈ సినిమాపై పెదవి విప్పని బాలయ్య.. ఈ సినిమాలపై స్పందించారు.
‘సినిమా విషయంలో తప్పు జరిగింది. ఎంచుకున్న కథలోనే కొన్ని లోపాలున్నాయి. కొన్ని విషయాలను చెప్పలేకపోవడంతో ప్రేక్షకుల్లోకి సరిగ్గా తీసుకెళ్లలేక పోయాం. నిజానికి ఈ సినిమా అనుకున్నప్పుడు రెండో పార్ట్ ఆలోచనే లేదు. ఒక పార్ట్ గానే తెరకెక్కించాలని భావించాం. కొన్ని కారణాలతో కథ పరిధిని పెంచి తెరకెక్కించాం. ఈక్రమంలో కథకు న్యాయం చేయలేదు. ఆయన జీవితచరిత్ర సరిగా తెరకెక్కించక పోయాం’ అని అన్నారు. రూలర్ సినిమా ప్రీ రిలీజ్ ఫంక్షన్ లో కూడా ఇదే విషయమై మాట్లాడుతూ.. ‘సినిమాలు కొన్ని ఆడతాయి.. కొన్ని పరాజయం అవుతాయి. గెలుపోటములు సహజం’ అని అన్నారు. అయితే.. ఇటివలే ఈ సినిమాపై పూర్తిగా స్పందించారని చెప్పాలి. ఎన్టీఆర్ జీవితకథ తెరకెక్కుతున్నప్పుడు మంచి అంచనాలు నెలకొన్నాయి.
మొదట దర్శకుడు తేజ దర్శకత్వంలో సినిమా ప్రారంభమైంది. ఉపరాష్ట్రపతి వెంకయ్యనాయుడు సినిమా ప్రారంభోత్సవానికి విచ్చేశారు. అయితే.. అనుకోని కారణాలతో ఆయన ప్రాజెక్టు నుంచి తప్పుకున్నారు. దీంతో గౌతమీపుత్ర శాతకర్ణి సినిమాతో విజయం అందించిన క్రిష్ కు దర్శకత్వ బాధ్యతలు అప్పజెప్పారు. అయితే.. సినిమా నిర్మాణంలో ఉండగా రెండు భాగాలుగా తెరకెక్కించారు. ఒకభాగం సినిమా.. మరో భాగం కుటుంబం, రాజకీయ నేపథ్యంలో తెరకెక్కించారు. అయితే.. సినిమా విజయం సాధించలేదు. కథపై విమర్శలు వచ్చాయి. బయోపిక్ గా పూర్తిగా న్యాయం చేయలేదనే విమర్శలు వచ్చాయి. ప్రస్తుతం ఎన్టీఆర్ జీవితాన్ని బాలకృష్ణ అక్షరరూపం ఇచ్చి పుస్తకాం రాస్తున్నారు.
