Balakrishna: తెలుగు చలనచిత్ర రంగంలో బాలయ్య తోటి హీరోల కొడుకులు చాలామంది ఇప్పటికే ఎంట్రీ ఇచ్చేశారు. దాదాపు పది సినిమాలకు పైగానే కొంతమంది చేయడం జరిగింది. చిరంజీవి వారసుడిగా రామ్ చరణ్, నాగార్జున వారసుడిగా అక్కినేని నాగచైతన్య, అఖిల్.. మరి కొంతమంది హీరోల కుమారులు ఎంట్రీలు ఇవ్వడం జరిగింది. కానీ బాలకృష్ణ కొడుకు నందమూరి మోక్షజ్ఞ ఎంట్రీ విషయంలో అందరూ ఉత్కంఠ భరితంగా ఎదురుచూస్తూ ఉన్నారు. ముఖ్యంగా నందమూరి అభిమానులు… మోక్షజ్ఞ నీ తెరపై చూడాలని ఎంతో ఆసక్తిగా ఎదురుచూస్తూ ఉన్నారు.
ఇదే సమయంలో కొడుకు సినిమా ఎంట్రీ విషయంలో బాలయ్య పలు ఇంటర్వ్యూలలో అనేక వ్యాఖ్యలు కూడా చేయడం జరిగింది. అయితే ప్రస్తుతం స్వర్గీయ నందమూరి తారక రామారావు శత జయంతి ఉత్సవాలు జరుగుతున్న క్రమంలో.. మోక్షజ్ఞ సినిమా ఎంట్రీ కి బాలయ్య ముహూర్తం ఫిక్స్ చేసినట్లు సమాచారం. ఈ క్రమంలో కొడుకు సినిమా ఎంట్రీ విషయంలో చిరంజీవి మాదిరిగా బాలయ్య ప్లాన్ చేసినట్లు ఇండస్ట్రీలో టాక్ నడుస్తుంది. పూర్తి విషయంలోకి వెళ్తే చిరంజీవి కొడుకు మెగా పవర్ స్టార్ రామ్ చరణ్ తేజ్ మొదటి సినిమా “చిరుత”. 2007వ సంవత్సరంలో పూరి జగన్నాథ్ దర్శకత్వంలో వచ్చిన ఈ సినిమా.. ద్వారా చరణ్ అభిమానులను బాగానే ఆకట్టుకున్నాడు.
మొదటి సినిమాలో చేసిన ఫైట్స్ మరియు డాన్స్ లతో తండ్రికి తగ్గ తనయుడు అనిపించుకున్నాడు. పరిస్థితి ఇలా ఉంటే ఇప్పుడు మోక్షజ్ఞ సినిమా ఎంట్రీ బాధ్యతలను డైరెక్టర్ పూరీ జగన్నాథ్ చేతిలో బాలయ్య పెట్టినట్లు ఇండస్ట్రీలో సరికొత్త వార్త వినపడుతోంది. ఇప్పటికే పూరి బాలయ్య బాబుకి స్క్రిప్ట్ వినిపించినట్లు మార్పులు చేర్పులు సూచించినట్లు సమాచారం. సరిగ్గా రామారావు 100వ జయంతి నాడు మే 28వ తారీకు… మోక్షజ్ఞ సినిమా ముహూర్తం ఫిక్స్ చేసినట్లు సమాచారం. త్వరలోనే ఈ ప్రాజెక్టుకు సంబంధించిన అధికారిక ప్రకటన కూడా రానున్నట్లు ఇండస్ట్రీలో వార్తలు వైరల్ అవుతున్నాయి.
