నందమూరి కళ్యాణ్ రామ్ హీరోగా మరియు నిర్మాతగా వచ్చిన సినిమా “బింబీసారా”. ఈనెల 5వ తారీఖు విడుదలైన ఈ సినిమా ప్రేక్షకులను ఎంతగానో అలరిస్తూ థియేటర్ లో విజయవంతంగా రాణిస్తోంది. హౌస్ ఫుల్ కలెక్షన్లతో దూసుకుపోతుంది. ఈ సినిమా విజయం సాధించడం పట్ల మెగాస్టార్ చిరంజీవి, రవితేజ, ఎన్టీఆర్ ఇంకా చాలామంది స్పందించడం తెలిసిందే. ఈ క్రమంలో తాజాగా నందమూరి కళ్యాణ్ రామ్ తన బాబాయ్ బాలకృష్ణకి “బింబీసారా” స్పెషల్ షో వేయడం జరిగింది.
ఈ స్పెషల్ షో చూసిన తర్వాత బాలకృష్ణ మీడియాతో మాట్లాడుతూ సినిమా యూనిట్ ని అభినందించారు. కొత్త టాలెంట్ నీ ప్రోత్సహించడంలో నందమూరి వంశం ఎప్పుడు ముందుంటుందని చెప్పుకొచ్చారు. ఈ వరవడి నాన్నగారు రామారావు నుండి ఉందని అప్పటినుండి.. ఎంతోమంది కొత్తవారికి నందమూరి కుటుంబం అవకాశం ఇచ్చినట్లు బాలయ్య బాబు తెలియజేశారు. ఇలాంటి సినిమాలు మరిన్ని అంది ఇవ్వాలని బాబాయ్ గా కళ్యాణ్ రామ్ ని దీవిస్తున్నట్లు చెప్పుకొచ్చారు. బాబాయ్ గా అది నా కోరిక. ఏదైనా ఇండస్ట్రీలో కొత్తవరవడి అనేది మా నుండి ప్రారంభం కావాల్సిందే. మంచి సినిమాలు తెలుగు ప్రేక్షకులు ఆదరిస్తారని మరోసారి నిరూపించారు.
ఇక దర్శకుడు వంశీ వశిష్ట పై కూడా బాలయ్య ప్రశంసలు వర్షం కురిపించారు. మొట్టమొదటి సినిమాతోనే ఇంతటి పెద్ద డీల్ స్టఫ్ కలిగిన సినిమా చేయటం నిజంగా ఆశ్చర్యం కలిగించిందని.. కచ్చితంగా కలిసి పని చేద్దాం అంటూ దర్శకుడికి ఆఫర్ ఇచ్చారు. “బింబీసారా” ప్రయోగాత్మక సినిమా మాత్రమే కాదు ఇందులో నిజాలు ఉన్నాయి భావితరాలకు చెప్పవలసిన అంశాలు చాలా ఉన్నాయి. యంగ్ స్టార్స్ ఇంకా రావాలి.. సినిమానీ ఇంతటి విజయాన్ని కలిగించినందుకు ప్రేక్షకులకు ధన్యవాదాలు అని బాలయ్య బాబు తెలియజేశారు.