Bandla Ganesh: ప్రముఖ నటుడు, నిర్మాత బండ్ల గణేష్ అంటే తెలియని వారు ఎవరూ ఉండరు. సినిమా రంగంలోనే కాకుండా రాజకీయ రంగంలో కూడా బండ్ల గణేష్ చేసే కామెంట్స్ సెన్సేషనల్‌గా ఉంటాయి. కాగా బండ్ల గణేష్ ఈ మధ్య సినిమాలకి దూరంగా ఉంటూ రాజకీయాలకు బాగా దగ్గరయ్యాడు. ఒక నిర్మాతగా భారీ బడ్జెట్‌తో, బడా హీరోతో సినిమా చేస్తానని చెప్పిన బండ్ల గణేష్ ఏది చేయాలన్నా భారీగానే చేయాలనుకుంటాడు. ఈ క్రమంలోనే బండ్ల గణేష్ రెండేళ్ల క్రితం జరిగిన దీపావళి పండుగ రోజు భారీ మొత్తంలో టపాసులు కొనుగోలు చేశాడు.
Bandla Ganesh: ధర ఎంత అంటే
ఈ సారి దీపావళికి బండ్లన్న తెచ్చిన టపాసులకు సంబంధించి ఓ ఫొటో నెట్టింట వైరల్‌గా మారింది. ఆ ఫొటోను చూసి టపాసుల దుకాణం పెట్టావా అన్న అని నెటిజన్లు ఫన్నీ కామెంట్స్ చేస్తున్నారు. అయితే ఒక మీడియా సంస్థ టపాసులు ఎంత పెట్టి కొన్నారు అని బండ్ల గణేష్ ని ప్రశ్నించింది. వారడిగిన ప్రశ్నకు బండ్ల గణేష్ ‘4 లక్షల 20 వేల రూపాయల క్రాకర్స్ కొన్నాను ‘ అని సమాధానం చెప్పాడు. ఈ సమాధానం విన్న ప్రతి ఒక్కరూ అవాక్కవుతున్నారు.
తనకు ఒక్కడికే కాదట మిత్రులకు కూడా..
ఆ టపాసులలో కొన్ని తన మిత్రులకు దీపావళి కానుకగా పంపిస్తానని గణేష్ చెప్పుకొచ్చాడు. స్వగ్రామం అయిన షాద్ నగర్ లో తన కుటుంబం తో కలిసి బాంబులు కాలుస్తున్నట్లు ఈ టాలీవుడ్ ప్రొడ్యూసర్ వెల్లడించాడు.
అది చూసి క్రాకర్స్ కే క్రాక్, బండ్ల గణేష్ ఆ మజాకా? అట్లుంటది గణేష్ అన్నతో, అసలు తగ్గేదేలే అంటూ నెటిజన్లు ట్విట్ చేస్తున్నారు. ప్రస్తుతం టాలీవుడ్ మొత్తం బండ్ల గణేష్ టపాసుల ఖర్చు గురించి మోత మొగిపోతుంది.
