పవన్ క్రేజ్ గురుంచి స్పెషల్ గా చెప్పనవసరం లేదు. పది ఏళ్ళు హిట్ లేకపోయినా…మూడు సంవత్సరాలు ఏ సినిమా చేయకపోయినా పవన్ టాప్ హీరోగానే ఇండస్ట్రీలో రాణించడం జరిగింది. ఇండస్ట్రీలో పవన్ కళ్యాణ్ కి వీరాభిమాని మరియు భక్తుడు బండ్ల గణేష్. ఇండస్ట్రీలో ఎంతమంది ఉన్నా గాని బండ్ల గణేష్..పవన్ ఫ్యాన్స్ కి చాల స్పెషల్. ఆయన స్పీచ్ అనేసరికి పవన్ అభిమానులు తెగ ఇష్టపడుతుంటారు. ఒకానొక టైములో పవన్ కళ్యాణ్ నా దైవం.. ఒక్కసారి ఆయనకు వ్యసనం అయితే చాలు వదిలించుకోవడం కష్టం..అంటూ బండ్ల గణేష్ అభిమానులను అలరించే రీతిలో స్పీచ్ ఇస్తూ ఉంటారు.
పవన్ కళ్యాణ్ కూడా బండ్ల గణేష్ ని చాలా ప్రత్యేకంగా అభిమానిస్తారు. జీవితంలో తన విషయంలో కొన్ని సందర్భాలలో బలంగా నిలబడిన వ్యక్తి బండ్ల గణేష్ అని పవన్ ఒకానొక టైంలో తెలియజేశారు. ప్రస్తుతం కమెడియన్ గా మరియు పరమేశ్వర ఆర్ట్స్ ప్రొడక్షన్స్ అధినేతగా బండ్ల గణేష్… ఇండస్ట్రీలో విజయవంతంగా రాణిస్తూ ఉన్నారు. తన బ్యానర్ లో ఇప్పటికే చాలా సినిమాలు చేయడం జరిగింది. పవన్ కళ్యాణ్ తో “గబ్బర్ సింగ్” వంటి బ్లాక్ బస్టర్ సినిమా చేశారు. అంతకుముందు “తీన్మార్” సినిమా చేయడం జరిగింది.
ఇదిలా ఉంటే తాజాగా బండ్ల గణేష్ .. పవన్ కళ్యాణ్ పై అభిమానం చాటుతూ ట్విట్టర్లో సంచలన పోస్ట్ పెట్టారు. “నా దైవ సమానులైన.. మా పవన్ కళ్యాణ్ మీరు తెలుగు చలన చిత్ర చరిత్రలో రికార్డులు తిరగరాసే సినిమా త్వరగా తీయాలని మనస్ఫూర్తిగా కోరుకుంటూ మీ బండ్ల గణేష్ అని ట్వీట్ చేశారు. ఈ కామెంట్ తో పాటు గబ్బర్ సింగ్ లో పవన్ కళ్యాణ్ పోలీస్ స్టేషన్లో కూర్చుని ఒకపక్క గన్ పట్టుకొని మరోపక్క టీ తాగే ఫోటో పోస్ట్ చేయడం జరిగింది. ఇంత అర్ధాంతరంగా బండ్ల గణేష్ పవన్ కళ్యాణ్ పై అభిమానం చాటుతూ పోస్ట్ పెట్టడం సంచలనంగా మారింది.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?