Beast Trailer: తమిళ్ స్టార్ హీరో ఇళయ దళపతి విజయ్, పూజా హెగ్డే జంటగా నటించిన తాజా చిత్రం `బీస్ట్`. `డాక్టర్` ఫేమ్ ల్సన్ దిలీప్ కుమార్ దర్శకత్వం వహించగా.. ప్రముఖ నిర్మాణ సంస్థ సన్ పిక్చర్స్ ఈ చిత్రాన్ని నిర్మించింది. పక్కా యాక్షన్ ఎంటర్టైనర్గా రూపొందిన ఈ చిత్రం ఏప్రిల్ 13న పాన్ ఇండయా స్థాయిలో గ్రాండ్గా విడుదల కాబోతోంది.
ప్రముఖ నిర్మాత దిల్ రాజు ఈ చిత్రాన్ని తెలుగులో విడుదల చేయబోతున్నారు. ఈ నేపథ్యంలోనే తాజాగా ఈ సినిమా తెలుగు ట్రైలర్ను విడుదల చేశారు. చెన్నైలోని ఓ మాల్ ని టెర్రరిస్ట్ లు హైజాక్ చేస్తారు. అయితే అదే మాల్లో ఉన్న ఇండియన్ స్పై వీర రాఘవన్(విజయ్).. టెర్రరిస్ట్ ల బారి నుంచి ప్రజలను ఎలా రక్షించాడు అన్నదే సినిమా.
ఆ నేపథ్యంలో చోటుచేసుకునే యాక్షన్ సీన్స్తో కట్ చేసిన ట్రైలర్.. అదిరిపోయిందనే చెప్పాలి. సరికొత్త లుక్ లో దర్శనమిచ్చిన విజయ్.. ఫుల్ యాక్షన్ మోడ్లో ఆకట్టుకున్నాడు. ఫ్యాన్స్కి మరియు సినీ లవర్స్కి పూనకాలు తెప్పించేలా ఉన్న ఈ ట్రైలర్.. బీస్ట్ సినిమాపై మరిన్ని అంచనాలు పెంచేసింది. మరి ఆ అంచనాలను విజయ్ అందుకుంటాడో లేదో చూడాలి.
కాగా, ఈ చిత్రంలో డైరెక్టర్ సెల్వరాఘవన్,యోగిబాబు కీలక పాత్రల్లో కనిపించనున్నారు. అనిరుధ్ సంగీతం ఈ సినిమాకి హైలైట్ గా నిలవనుంది. ఇప్పటికే బయటకు వచ్చిన `అరబిక్ కుతు` సాంగ్ ఎన్ని రికార్డులు నెలకొల్పిందో తెలిసిందే.