Pawan Kalyan: డైరెక్టర్ హరీష్ శంకర్ దర్శకత్వంలో పవన్ కళ్యాణ్ నటిస్తున్న రెండో సినిమా “భగత్ సింగ్ భవదీయుడు”. “గబ్బర్ సింగ్” వంటి భారీ బ్లాక్ బస్టర్ తర్వాత పవన్ నటిస్తున్న ఈ చిత్రంపై అభిమానులకు భారీ అంచనాలు నెలకొన్నాయి. ఎందుకంటే హరీష్ స్వతహాగా మెగా ఫ్యాన్ కావడంతో పాటు పవన్ కెరీర్ లో బిగ్గెస్ట్ బ్లాక్ బస్టర్ “గబ్బర్ సింగ్” సినిమా చేయటంతో…”భగత్ సింగ్ భవదీయుడు” పై భారీ అంచనాలు పెట్టుకున్నారు. ఇదిలా ఉంటే ఇప్పటికే ఈ సినిమాలో పవన్ కళ్యాణ్.. లెక్చరర్ పాత్రలో కనిపిస్తున్నట్లు హరీష్ తెలపడం జరిగింది.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
ఇదిలా ఉంటే ఇప్పుడు మరొక న్యూస్ “భగత్ సింగ్ భవదీయుడు” కి సంబంధించి సోషల్ మీడియాలో చక్కర్లు కొడుతోంది. అదేమిటంటే ఈ సినిమా ఇంటర్వెల్ బ్యాంగ్ లో.. పవన్ కళ్యాణ్ చెప్పే డైలాగులు.. సినిమా మొత్తానికి హై వోల్టేజ్ గా ఉంటాయని టాక్. ప్రత్యేకంగా ఈ ఇంటర్వెల్ బ్యాంగ్ లో ఫైట్ సీక్వెన్స్.. సినిమా మొత్తానికే హైలైట్ గా ఉండేలా హరీష్ ప్లాన్ చేస్తున్నట్లు సమాచారం. ఆగస్టు నెల నుండి “భగత్ సింగ్ భవదీయుడు” సినిమా రెగ్యులర్ షూటింగ్ స్టార్ట్ కానున్నట్లు సమాచారం.
చాలా తక్కువ టైమ్ లోనే కంప్లీట్ చేసే తరహాలో హరీష్ శంకర్.. పవన్ కళ్యాణ్ డిసైడ్ అయినట్లు అంతా కుదిరితే పవన్ పుట్టిన రోజు నాడు.. సెప్టెంబర్ రెండో తారీకు “భగత్ సింగ్ భవదీయుడు” టీజర్ విడుదల అయ్యే అవకాశం ఉన్నట్లు వార్తలు వస్తున్నాయి. ప్రస్తుతం పవన్ కళ్యాణ్ ఒక పక్క రాజకీయాలు చేస్తూనే మరో పక్క క్రిష్ దర్శకత్వంలో “హరిహర వీరమల్లు” చేస్తున్నారు. ఇది కంప్లీట్ అయిన వెంటనే హరీష్ ప్రాజెక్టు మొదలు పెట్టనున్నారు.
