Bheemla Naayak: “బీమ్లా నాయక్” ఫిబ్రవరి 25వ తారీకు రిలీజ్ అయ్యి బ్లాక్ బస్టర్ విజయం సాధించిన సంగతి తెలిసిందే. మలయాళం సినిమాకి రీమేక్ గా వచ్చిన ఈ మూవీలో పవన్ కళ్యాణ్ పోలీస్ ఆఫీసర్ పాత్రలో.. అదరగొట్టేసారు. “బీమ్లా నాయక్” గా… మాస్ పెర్ఫార్మెన్స్ తో… స్క్రీన్ పై చెలరేగిపోయారు. డైలాగ్ డెలివరీ ఇంకా ఫైట్స్ పరంగా.. పవన్ తిరుగులేని నటనతో స్క్రీన్ చిన్చేయడం జరిగింది. త్రివిక్రమ్ స్క్రీన్ ప్లే.. మాటలు.. మూవీకి అదనపు ఆకర్షణగా నిలిచాయి. ఇక సంగీతం అందించిన తమన్ .. తనదైన శైలిలో కొత్త బాణీలు.. బ్యాక్ గ్రౌండ్ మ్యూజిక్ తో… సినిమాకి ప్రాణం పెట్టేశాడు. సినిమా రిలీజ్ అయినా మొదటి నాటి నుండి పాజిటివ్ టాక్ రావడంతో రికార్డు స్థాయి కలెక్షన్ల తో రెండు తెలుగు రాష్ట్రాలలో చెలరేగిపోయింది.
కాగా ప్రస్తుతం ఈ సినిమా ఇప్పుడు డిస్నీ హాట్ స్టార్ లో స్ట్రీమింగ్ అవ్వటం తెలిసిందే. ఈ నేపథ్యంలో తాజాగా ఈ సినిమా గురించి డైరెక్టర్ సాగర్ కే చంద్ర ఓ ఇంటర్వ్యూలో ఇంట్రెస్టింగ్ కామెంట్ చేశారు. సినిమాకి హీరో పవన్ కళ్యాణ్ అందించిన సహకారం మర్చిపోలేదని పేర్కొన్నారు. ఇండస్ట్రీలో టాప్ హీరో అయినప్పటికీ డైరెక్టర్ కి ఎంతో విలువ ఇచ్చే వ్యక్తి పవన్ అని కొనియాడారు.
“బీమ్లా నాయక్” షూటింగ్ జరుగుతున్న సమయంలో తన నుండి ఇంకేమైనా అదనంగా కావాలా.. అని నిర్మొహమాటంగా అడిగే వారని.. డైరెక్టర్ కి కావాల్సింది ఇవ్వటానికి.. ఎప్పుడూ ముందుండే హీరో పవన్ అని చెప్పుకొచ్చారు. ఏదైనా సీన్ విషయంలో మరో టేక్ చేయమన్న చేయటానికి ఆయన ఎప్పుడూ సిద్ధంగా ఉండే ఆర్టిస్ట్ని తను చెప్పేది శ్రద్ధగా వినేవారు.. అంత పెద్ద హీరో అయినప్పటికీ.. డైరెక్టర్ చెప్పేది చేసే వ్యక్తి పవన్ అంటూ.. “బీమ్లా నాయక్” డైరెక్టర్ పవన్ పై పొగడ్తల వర్షం కురిపించారు. ఈ సినిమా విజయంతో ఇప్పుడు సాగర్ కే చంద్ర టాలీవుడ్ ఇండస్ట్రీలో వరుసపెట్టి ఆఫర్లు అందుకుంటున్నాట్లూ వార్తలు వస్తున్నాయి.
