Bheemla Naayak: “బీమ్లా నాయక్” సినిమా ఫిబ్రవరి 25వ తారీకు విడుదల చేస్తున్నట్లు సినిమా యూనిట్ అధికారికంగా ప్రకటించడంతో మెగా ఫ్యాన్స్ ఫుల్ ఖుషీగా ఉన్నారు. వాస్తవానికి ఈ సినిమా సంక్రాంతికి వస్తుందని భావించి పవన్ అభిమానులు భారీ ఏర్పాట్లు చేయడం జరిగింది. అయితే ఇంతలోనే కొన్ని అనివార్య కారణాలవల్ల సినిమా వాయిదా పడటంతో పాటు కరోనా కేసులు పెరగడంతో… ప్రభుత్వాలు తీసుకున్న నిర్ణయాలకు సంక్రాంతికి విడుదల కావాల్సిన చాలా సినిమాలు వాయిదా పడ్డాయి.
ఇదిలా ఉంటే ప్రస్తుతం కేసులు తగ్గుముఖం పట్టడంతో..”బీమ్లా నాయక్” తో పాటుగా చాలా సినిమాలు విడుదలకు రెడీ అవుతున్నాయి. ఇదిలా ఉంటే ఫస్ట్ టైం రానా, పవన్ కలిసి నటించడంతో “బీమ్లా నాయక్” కోసం మెగా అభిమానులతో పాటు సామాన్య ప్రేక్షకులు కూడా సినిమా చూడటానికి ఎంతో ఇంట్రెస్ట్ గా ఉన్నారు. ఇదే సమయంలో మ్యూజిక్ డైరెక్టర్ తమన్ అందించిన టైటిల్ సాంగ్ .. మార్కెట్లోకి బాగా వెళ్ళటంతో.. ట్రైలర్ కోసం పవన్ ఫ్యాన్స్ వెయ్యి కళ్ళతో ఎదురు చూస్తున్నారు.
ఎలాగైనా “బీమ్లా నాయక్” ట్రైలర్ తో సోషల్ మీడియాలో సరికొత్త రికార్డులు క్రియేట్ చేయాలని ఇప్పటి నుండే ప్లాన్స్ వేస్తున్నారు. ఇదిలా ఉంటే ఈ వారం చివరిలో “బీమ్లా నాయక్” ట్రెయిలర్ … వచ్చేవారం వీకెండ్ లో … సినిమా ప్రియ రిలీజ్ వేడుక జరపాలని నిర్మాతలు డిసైడ్ అయినట్లు సమాచారం. హైదరాబాద్ యూసఫ్ గూడా మైదానంలో “బీమ్లా నాయక్” ప్రీ రిలీజ్ వేడుక అంగరంగ వైభవంగా జరపాలని సినిమా యూనిట్ ఏర్పాటు చేస్తున్నట్లు ఇండస్ట్రీలో వార్తలు వస్తున్నాయి. ఈ వేడుకకు విక్టరీ వెంకటేష్ కూడా రానున్నట్లు సమాచారం.