చిరంజీవి, నాగార్జున, వెంక‌టేశ్‌, ప‌వ‌న్‌క‌ల్యాణ్‌, సుమంత్ స‌హా ప‌లువురు హీరోల‌తో న‌టించి ఆక‌ట్టుకున్న హీరోయిన్స్‌లో భూమిక చావ్లా ఒక‌టి. కార‌ణాలు తెలియ‌వు కానీ అప్ప‌ట్లో ఈ అమ్మ‌డు బాలకృష్ణతో మాత్రం న‌టించ‌లేదు. అయితే ఇన్నేళ్ల త‌ర్వాత బాలకృష్ణతో భూమిక న‌టించనుంద‌ని ఫిలింన‌గ‌ర్ వ‌ర్గాల స‌మాచారం. వివ‌రాల్లోకెళ్తే బాల‌కృష్ణ 105వ చిత్రం `రూల‌ర్‌`(విన‌ప‌డుతున్న టైటిల్‌)కు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. కె.ఎస్.ర‌వికుమార్ ద‌ర్శ‌క‌త్వంలో సి.క‌ల్యాణ్ నిర్మించ‌బోయే ఈ సినిమా లాంఛంగా ప్రారంభ‌మైంది. ఆగ‌స్ట్ 7న రెగ్యుల‌ర్ షూటింగ్‌కు వెళ్ల‌నుంది. ఈ సినిమాలో ఓ కీల‌క పాత్ర కోసం భూమిక‌ను సంప్ర‌దించారు ద‌ర్శ‌క నిర్మాత‌లు. సెకండ్ ఇన్సింగ్స్‌ల అక్క, వ‌దిన పాత్ర‌ల్లో న‌టిస్తున్న భూమిక, న‌టించ‌డానికి ఓకే చెప్పేసింద‌ట.
