Roja: సినిమాలకు, రాజకీయాలకు విడదీయరాని బంధం ఉందని చెప్పవచ్చు. సినిమాలలో నటించిన వారందరూ రాజకీయాలలోకి వచ్చారు.సినిమా రంగంలో పనిచేసే ఎంతోమంది నటీనటులు ఎమ్మెల్యేలు, ఎంపీలు, ముఖ్యమంత్రులుగా కొనసాగారు. అయితే ఒక్కసారి రాజకీయాలలోకి వచ్చిన తర్వాత సినిమాలలో చేయాలంటే ఎంతో అసాధ్యంతో కూడుకున్న పని. ఈ విధంగా కొందరు రాజకీయాలలోకి వచ్చిన తర్వాత పూర్తిగా సినిమాలకు స్వస్తి చెప్పారు. కానీ ప్రస్తుత రాజకీయాలలో ఉంటూ.. సినిమాలలో కూడా కొందరు నటిస్తున్నారు. అలాంటి వారిలో నందమూరి బాలకృష్ణ, పవర్ స్టార్ పవన్ కళ్యాణ్, ఎమ్మెల్యే రోజా ముందు వరుసలో ఉంటారని చెప్పవచ్చు.
బాలకృష్ణ, పవన్ కళ్యాణ్ సినిమాలతో ఎంత బిజీగా ఉన్నప్పటికీ రోజా మాత్రం సినిమాలలో కాకుండా కేవలం బుల్లితెరకు మాత్రమే పరిమితయమయ్యారు.ఎమ్మెల్యే గా నగరి నియోజకవర్గం నుంచి రెండుసార్లుగా గెలిచిన రోజా రాజకీయాలలో ఎంతో చురుగ్గా పాల్గొంటూ, ప్రజల మధ్యనే ఉంటూ వారి సమస్యలను పరిష్కరిస్తున్నారు. మరోవైపు జబర్దస్త్ వంటి కామెడీ షో కు జడ్జిగా వ్యవహరిస్తున్నారు. ఎంతో గౌరవప్రదమైన ఎమ్మెల్యే పదవిలో ఉండి ఈ వెకిలి నవ్వులు ఏంటని ఎంతోమంది రోజా పై విమర్శలు కురిపించారు. అయితే వాటన్నింటినీ లెక్కచేయకుండా తన పని తాను చేసుకుపోతుంది ఎమ్మెల్యే.
ఏపిఐఐసి ఛైర్మన్‌గా రోజా:
ప్రస్తుతం రోజా నగరి ఎమ్మెల్యేగా బాధ్యతలు నిర్వహించడమే కాకుండా,ఏపిఐఐసి ఛైర్మన్‌గానూ వ్యవహరిస్తున్నారు. ఈ క్రమంలోనే రోజాకు సినిమాలో నటించే భారీ అవకాశం వచ్చినట్లు తెలుస్తోంది. అయితే ఈ సినిమాలో నటించడానికి రోజా నో చెప్పిందనే సమాచారం వినబడుతుంది. ఈ సినిమా కథను విన్న రోజా ఇందులో నెగిటివ్ షేడ్స్ ఎక్కువగా ఉండడంతో ఈ సినిమాలో చేయలేనని చెప్పేసిందని తెలుస్తుంది. అయితే రోజా ఈ సినిమాలో నటించికపోవడానికి కూడా కారణం లేకపోలేదు. అధికార ప్రభుత్వంలో ఎమ్మెల్యేగా ఉన్న రోజా రాజకీయాలలో ఎంతో చురుగ్గా ఉంటారు. ఈ క్రమంలోనే ఈమెకు మంత్రి పదవి ఖాయమని అందరూ భావించారు. కానీ మొదటిసారిగా రోజాకి మంత్రి పదవి దక్కకపోవడంతో ఈసారైనా మంత్రివర్గ విస్తరణలో ఈమెకు మంత్రిపదవి దక్కుతుందన్న ఆశగా ఎదురు చూస్తున్నారు. ఈ క్రమంలోనే సినిమాలు చేస్తే పలు వివాదాలు తలెత్తే అవకాశాలు ఉండటంతో ఈమె సినిమాలు చేయడానికి నో చెప్పినట్లు తెలుస్తోంది. మరి చూడాలి ఈసారైనా రోజా మంత్రి పదవి దక్కించుకుంటారో.. లేదో. ఈ విధంగా రోజా సినిమాలలో నటించకపోవడంతో దర్శకనిర్మాతలకు తీవ్ర నిరాశ ఎదురైందని చెప్పవచ్చు.
