బిగ్ బాస్ హౌస్ లో ఎప్పుడు ఏది ఏ విధంగా జరుగుతుందో ఎవరికీ అర్థం కాదు. చూస్తున్న వీక్షకులకు ఇంటిలో ఉన్న సభ్యులకు దిమ్మతిరిగే షాక్ లు బిగ్ బాస్ ఇస్తుంటాడు. ఇప్పుడు ఇదే తరహాలో హౌస్ నుండి మూడవ ఈ వారం ఎలిమినేట్ అయిన టీవీ9 యాంకర్ దేవి నాగవల్లి ని మళ్లీ హౌస్ లోకి తీసుకురావటానికి బిగ్ బాస్ నిర్వాహకులు ప్లాన్ చేస్తున్నట్లు వార్తలు వస్తున్నాయి.
ప్రస్తుతం ఎలిమినేట్ అయిన దేవి నాగవల్లి అనేక టీవీ ఇంటర్వ్యూలలో చాలా సంచలన కరంగా మాట్లాడటంతో… హౌస్ మీద నెగటివ్ ఇంప్రెషన్ వచ్చే పరిస్థితి నెలకొంది. ఇదే తరుణంలో సోషల్ మీడియాలో చాలా మంది నెటిజన్లు దేవి నాగవల్లి కి సపోర్ట్ చేస్తున్నారు. మళ్లీ హౌస్ లోకి వెళ్లే అవకాశం ఉంటే అంగీకరిస్తారా అని పలు ఇంటర్వ్యూలలో ప్రశ్నలు ఎదురైనప్పుడు తప్పకుండా అని దేవి నాగవల్లి సమాధానం చెబుతూ ఉంది.
దీంతో వ్యవహారం మొత్తం అదుపుతప్పేలా ఉండకుండా ఈసారి వైల్డ్ కార్డు రూపంలో బిగ్ బాస్ హౌస్ లో దేవి నాగవల్లి ని పంపించాలని నిర్వాహకులు అనుకుంటున్నట్లు సోషల్ మీడియాలో వార్తలు వైరల్ అవుతున్నాయి. సీజన్ త్రీ లో ఈ విధంగానే ఎలిమినేట్ అయిన రాహుల్ సిప్లిగంజ్, ఆలీ రేజా ఇద్దరూ రీ ఎంట్రీ ఇవ్వడం జరిగింది. ఇప్పుడు ఇదే మాదిరిగా దేవి నాగవల్లి ని మళ్లీ హౌస్ లోకి పంపించాలని సోషల్ మీడియాలో నెటిజన్లు డిమాండ్ చేస్తున్న తరుణంలో నిర్వాహకులు ఆలోచనల్లో పడినట్లు టాక్ బయట వినబడుతుంది.