Bigg Boss: ప్రపంచవ్యాప్తంగా బిగ్ బాస్ రియాల్టీ షోకి మంచి క్రేజ్ ఉందన్న సంగతి తెలిసిందే. తెలుగులో కూడా ఈ షోకి మంచి ఆదరణ ఉంది. ఇండియాలో ఫస్ట్ టైం హిందీలో స్టార్ట్ అయిన బిగ్ బాస్ తెలుగులో ఇప్పటివరకు ఆరు సీజన్ లు కంప్లీట్ చేసుకోవడం జరిగింది. కాగా మూడవ సీజన్ లో లేడీ కంటెస్టెంట్ పునర్నవి అందరికీ సుపరిచితురాలే. ఆ సీజన్ లో విన్నర్ రాహుల్ తో… హౌస్ లో మంచి లవ్ ట్రాక్ నడిపించింది. ఇద్దరి మధ్య ఏర్పడిన రొమాన్స్ వాతావరణం అప్పటి వీక్షకులను ఎంతగానో ఆకట్టుకోవడం మాత్రమే కాదు షోపై మరింత ఇంట్రెస్ట్ కలిగించింది. అదే సమయంలో హీరో వరుణ్ తేజ్ తో పాటు అతని భార్య వితికతో కూడా పునర్నవి మంచి స్నేహం ఏర్పరచుకుని ఆ టైంలో వీళ్లంతా గ్రూపుగా ఉండి ఎంతో ఎంటర్టైన్ చేశారు.
అయితే సీజన్ 3 కంప్లీట్ అయ్యాక తామిద్దరం ఫ్రెండ్స్ అని పునర్నవి తెలియజేసింది. రాహుల్ కి తనకి మధ్య ఎటువంటి రిలేషన్ లేదని… స్నేహితులు మాత్రమే అని క్లారిటీ ఇచ్చింది. బిగ్ బాస్ షో అయ్యాక సినిమాలో పెద్ద అవకాశాలు దక్కించుకోలేదు. చిన్న సినిమాల్లో మాత్రమే కనిపించింది. అనంతరం విదేశాలలో ఉన్నత చదువులు కోసం వెళ్లిన పునర్నవి.. ఇప్పుడు అన్నా ఆరోగ్య సమస్యలతో బాధపడుతున్నట్లు వార్తలు వస్తున్నాయి. పూర్తి విషయంలోకి వెళ్తే తాను ఊపిరితిత్తుల సమస్యలతో బాధపడుతున్నట్లు స్వయంగా ఆమె స్పష్టం చేసింది.
కొత్త సంవత్సరాన్ని అనారోగ్యంతో ప్రారంభిస్తున్నానని ఇది చాలా బాధాకరమైన విషయం అని చెప్పుకొచ్చింది. తాను అనారోగ్యానికి గురికావడం మీరే చివరిసారి కావాలని ఆ భగవంతుడిని కోరుకుంటున్నట్లు చెప్పుకొచ్చింది. సోషల్ మీడియాలో పునర్నవి భార్గవి పెట్టిన ఈ పోస్ట్ ఆమె అభిమానులను ఎంతగానో బాధకు గురి చేసింది. పునర్నవి త్వరగా కోలుకోవాలని అభిమానులు భగవంతుని ప్రార్థిస్తున్నారు.
