తెలుగులో భారీ క్రేజ్ తెచ్చుకున్న రియాలిటీ షో బిగ్ బాస్. ఇప్పటివరకూ జరిగిన 4 సీజన్లలో గత మూడు సీజన్లు ఒకెత్తు.. ఈ 4వ సీజన్ ఒక ఎత్తు అని చెప్పాలి. 105 రోజులు సాధారణంగానే జరగినా.. ఫైనల్ డే అదరగొట్టేసింది. గేమ్ ప్లాన్ కు భిన్నంగా ఒకొక్కరి భవిష్యత్ ను నిర్ణయించే విధంగా జరిగింది. టైటిల్ విన్నర్ ఒకరైతే, క్యాష్ విన్నర్ మరొకరు. చిరంజీవి, నాగార్జున చారిటీ, కంటెస్టెంట్ల భావోద్వేగాలు, ఒకొక్కరి యాస్పిరేషన్స్.. ఇలా చాలా ఇంట్రెస్టింగ్ గా జరిగింది. ఈ క్రమంలో ఒకొక్కరు తమకు సినిమాలపై ఉన్న ఆసక్తిని బయటపెట్టేశారు. ఇందులో సొహెల్ ముఖ్యుడు. ఏకంగా చిరంజీవినే ఇంప్రెస్ చేసేశాడు. ఇప్పుడు తన ఆశల్లో భాగంగా ఓ కలను నిజం చేసుకోబోతున్నాడు.
గత సీజన్ విన్నర్స్, కంటెస్టెంట్లకు భిన్నంగా ఈసారి బయటకొచ్చిన వారికి సినీ అవకాశాలు వస్తున్నాయని అంటున్నారు. ఇప్పుడు సొహెల్ హీరోగా ఓ సినిమా ఓకే అయిపోవడం విశేషం. గత ఏడాది క్రేజ్ తెచ్చుకున్న జార్జి రెడ్డి సినిమా నిర్మాత అప్పిరెడ్డి నిర్మాతగా ఈ సినిమా తెరకెక్కబోతోంది. దర్శకుడిగా శ్రీనివాస్ వింజనంపాటి పరిచయం కాబోతున్నాడు. ఈ సినిమాను వచ్చే ఫిబ్రవరి నుంచి సెట్స్ మీదకు తీసుకెళ్లబోతున్నారని తెలుస్తోంది. ఇప్పటికే బిగ్ బాస్ షోలో తన యాక్టింగ్ పెర్ఫార్మెన్స్, డ్యాన్స్, ఫెరోషియస్ ఎక్స్ ప్రెషన్స్ తో ఆకట్టుకున్న సొహెల్ కు హీరో క్వాలిటీస్ ఉన్నాయనే అంటున్నారు. దీంతో తనకు నటనలో పెద్దగా ఇబ్బంది ఉండదనే చెప్పాలి.
సినిమాలో హీరోయిన్, ఇతర నటీనటుల వివరాలు త్వరలో తెలియజేస్తారని తెలుస్తోంది. లవ్, ఫ్యామిలీ డ్రామాతో ఈ సినిమా తెరకెక్కబోతోందని తెలుస్తోంది. సొహెల్ కల నెరవేరబోతోందనే చెప్పాలి. ఓ సినిమా కూడా నిర్మిస్తానని చెప్పడం.. దానికి మెగాస్టార్ తన వంతు సాయం చేస్తాననడం సొహెల్ కు కలిసొచ్చింది. ఈ సినిమాతో తనను తాను మరింత ప్రూవ్ చేసుకుంటే సొహెల్ మంచి భవిష్యత్తు ఉంటుందనడంలో సందేహం లేదు.
Anchor Srimukhi: రేటింగ్ కోసం ఏకంగా అంతకి దిగజారిన శ్రీముఖి.. ఘోరమైన ట్రోల్స్..!