Bigg Boss Telugu OTT: ప్రపంచ దేశాల్లోనూ సక్సెస్ ఫుల్ షోగా గుర్తింపు పొందిన బిగ్బాస్.. తెలుగులోనూ భారీ ఆదరణ దక్కించుకుంది. ఇప్పటికే ఇక్కడ ఐదు సీజన్లను కంప్లీట్ చేసుకున్న ఈ బిగ్గెస్ట్ రియాలిటీ షో.. త్వరలోనే ఓటీటీ వేదికగా ప్రేక్షకులను 24/7 అలరించేందుకు రెడీ అవుతోంది. ఈ నెల 26 నుంచి డిస్నీ ప్లస్ హాట్స్టార్లో ఈ షో స్ట్రీమింగ్ షురూ కానుంది.
ఇందుకు సర్వం సిద్ధం చేసిన మేకర్స్.. ప్రస్తుతం షోపై భారీ హైప్ క్రియేట్ అయ్యేందుకు జోరుగా ప్రమోషన్స్ నిర్వహిస్తున్నారు. మరోవైపు ఓటీటీ బిగ్బాస్ లో పాల్గొనబోయే ఫైనల్ కంటెస్టెంట్స్ లిస్ట్ ఇదే అంటూ ఈ వార్త నెట్టింట వైరల్గా మారింది. దాని ప్రకారం.. ఈ షోలో హీరోయిన్ బిందు మాధవి, కమెడియన్ ధనరాజ్, ఆదర్శ్, ముమైత్ ఖాన్, రోల్ రైడా, తేజస్వి, అషు రెడ్డి, అరియానా గ్లోరి, మహేశ్ విట్టా ఈ షోలో పాల్గొనబోతున్నారు.
అలాగే వీరితో పాటు సరయు, హమీదా, నటరాజ్ మాస్టర్, యాంకర్ నిఖిల్ , యాంకర్ శివ , చిచ్చా చార్లెస్, అజయ్ కతుర్వార్, యాంకర్ స్రవంతి చొక్కారపు, ఆర్జే చైతులు ఓటీటీ బిగ్బాస్లో అలరించబోతున్నారని వార్తలు వస్తున్నాయి. మరి వీరిలో ఎంత మంది బిగ్బాస్ హౌస్లోకి అడుగు పెట్టబోతున్నారు అన్నది తెలియాలంటే మరి కొద్ది రోజులు వెయిట్ చేయాల్సిందే.
ఇదిలా ఉంటే.. ఓటీటీ బిగ్బాస్కు నాగార్జున హోస్ట్గా వ్యవహరించడం లేదంటూ గత కొద్ది రోజుల నుంచీ ప్రచారం జరుగుతున్న సంగతి తెలిసిందే. అంతేకాదు, ఆయన స్థానాన్ని యాంకర్ రవి బర్తీ చేయనున్నాడని కూడా టాక్ నడుస్తోంది. మరి ఇందులో ఎంత వరకు నిజమో తెలియాల్సి ఉంది.