“RRR” : బాహుబలి తర్వాత రాజమౌళి దర్శకత్వంలో తెరకెక్కుతున్న సినిమా “RRR” అని అందరికీ తెలుసు. ఈ సినిమా ఎప్పుడు విడుదల అవుతుందా అని దేశవ్యాప్తంగా సినీ ప్రేక్షకులు ఎంతగానో ఆసక్తిగా ఎదురు చూస్తూ ఉన్నారు. మొట్టమొదటిసారిగా రామ్ చరణ్, జూనియర్ ఎన్టీఆర్ కలిసి నటిస్తున్న నేపథ్యంలో టాలీవుడ్ ఇండస్ట్రీలో అయితే భారీ స్థాయిలో అంచనాలు నెలకొన్నాయి. దీంతో ఈ సినిమా నుంచి ఎటువంటి టీజర్ మరియు ఫోటో రిలీజ్ అయిన అది వైరల్ గా మారే పరిస్థితి ఏర్పడింది. బాలీవుడ్ ఇండస్ట్రీకి చెందిన కీలక నటీనటులు కూడా ఈసినిమాలో ఉండటంతో “RRR” సినిమా దేశవ్యాప్తంగా ఆసక్తికరంగా మారింది.
ఇదిలా ఉంటే ఇప్పటికే రామ్ చరణ్ అదేవిధంగా ఎన్టీఆర్ కి చెందిన టీజర్లు రిలీజ్ అవ్వడం మనకందరికీ తెలిసిందే. అయితే ఈనెల ఆఖరున రామ్ చరణ్ బర్తడే ఉండటంతో “RRR” నుండి మరో టీజర్ ఆశించవచ్చా అంటూ ఇటీవల ఓ నెటిజెన్..రాజమౌళి కొడుకు ఎస్.ఎస్ కార్తికేయను సోషల్ మీడియాలో ప్రశ్నించారు. దానికి కార్తికేయ ఇచ్చిన సమాధానంతో నందమూరి మరియు మెగా అభిమానులు ఫుల్ జోష్ లో ఉన్నారు.
కచ్చితంగా చరణ్ కి సంబంధించి సినిమా టీజర్ రిలీజ్ అయ్యే అవకాశం ఉన్నట్లు హింట్ ఇచ్చే రీతిలో రిప్లై మెసేజ్ ఇచ్చాడు. కాగా ఈసారి రామ్ చరణ్ డాన్స్ కి సంబంధించి టీజర్ రిలీజ్ అవుతుందని ఫిలిం వర్గాల నుంచి అందుతున్న టాక్. మొదటి టీజర్ లో రామ్ చరణ్ హీరోయిజం చూపించగా రెండో టీజర్ లో .. చరణ్ పాత్రకు సంబంధించి రొమాంటిక్ వీడియో రిలీజ్ అవుతుందని ఇండస్ట్రీ టాక్. అదే విధంగా మే నెలలో తారక్ బర్తడే కి కూడా టీజర్ రిలీజ్ అవుతుందని సమాచారం.