నటసింహం నందమూరి బాలయ్య బాబు ఇండస్ట్రీలో కుర్ర హీరోలు అందరికంటే మంచి స్పీడ్ మీద సినిమాలు చేస్తున్నారు. తన తోటి హీరోలు కంటే మంచి స్పీడు మీద బాలయ్య బాబు.. సినిమాలను ఒప్పుకుంటూ కంప్లీట్ చేస్తూ మరొక సినిమాను లైన్ లో పెడుతున్నారు. కాగా గతంలో వరుస పరాజయాలలో ఉన్న బాలయ్య బాబు.. గత ఏడాది “అఖండ” సినిమాతో మళ్లీ హిట్ ట్రాక్ ఎక్కటం తెలిసిందే. లెజెండ్ తర్వాత బాలయ్య నటించిన సినిమాలు చాలా వరకు పరాజయం పాలయ్యాయి. స్వర్గీయ నందమూరి తారక రామారావు బయోపిక్ సినిమా కూడా అట్టర్ ఫ్లాప్ కావడం తెలిసిందే.
అటువంటి పరిస్థితులలో అంతకుముందు రెండు మర్చిపోలేని బ్లాక్ బస్టర్ విజయాలు అందించిన బోయపాటితో అఖండ తీసి విజయం సాధించి మళ్లీ బాలయ్య హిట్ ట్రాక్ ఎక్కారు. ప్రస్తుతం గోపీచంద్ మలినేని దర్శకత్వంలో సినిమా చేస్తున్నారు. “NBK 107” వర్కింగ్ టైటిల్ పేరిట తెరకెక్కుతున్న ఈ సినిమా షూటింగ్ శరవేగంగా సాగుతోంది. ప్రస్తుతం కర్నూలు జిల్లా కొండారెడ్డి బురుజు సెంటర్ వద్ద షూటింగ్ జరుపుకుంటుంది. డిసెంబర్ నెలలో ఈ సినిమా రిలీజ్ కానున్నట్లు సమాచారం.
ఇలా ఉంటే ఈ సినిమా తర్వాత అనిల్ రావిపూడి దర్శకత్వంలో బాలయ్య బాబు సినిమా చేస్తున్న సంగతి తెలిసిందే. హై వోల్టేజ్ యాక్షన్ ఎంటర్టైనర్ గా తెరకెక్కుతున్న ఈ చిత్రంలో బాలయ్య బాబు 50 సంవత్సరాల వ్యక్తిగా వృద్ధుడిగా కనిపించనున్నట్లు సమాచారం. ఈ సినిమాలో బాలయ్య బాబు కూతురిగా కుర్ర హీరోయిన్స్ శ్రీ లీల నటించనుందట. కాగా ఈ సినిమాలో బాలయ్య సరసన బాలీవుడ్ హీరోయిన్ సోనాక్షి సిన్హా నటించనుందట. ఇప్పటికే చర్చలు జరిపినట్లు.. ఆమె ఓకే చెప్పినట్లు త్వరలో అధికారిక ప్రకటన రానున్నట్లు ఇండస్ట్రీలో టాక్ వినిపిస్తోంది.