వింక్ బ్యూటీగా నేషనల్ వైడ్ ఫేమస్ అయిన ప్రియా ప్రకాష్ వారియర్ ఏ సినిమా చేసినా వివాదాస్పదమే అవుతోంది. ఇప్పటికే ప్రియా నటించిన ఒరు అదార్ లవ్ సినిమా కోర్టుల చుట్టూ తిరిగి, ఎన్నో సార్లు వాయిదాపడి చివరికి వాలెంటైన్స్ డే కానుకగా ఈ ఫిబ్రవరి 14న ప్రేక్షకుల ముందుకి రాబోతోంది.
ఈ సినిమా విడుదల కాకముందే బాలీవుడ్ డెబ్యూ అవకాశం కొట్టేసిన ఈ కేరళ కుట్టి, ప్రస్తుతం నటిస్తున్న సినిమా ‘శ్రీదేవి బంగ్లా’. రీసెంట్ గా ఈ సినిమా నుంచి ట్రైలర్ బయటకి వచ్చి అందరిని ఆశ్చర్యపరిచింది. ఇందులో శ్రీదేవి అనే ఒంటరితనంలో ఉండిపోయిన నటిగా కనిపించనున్న ప్రియా ప్రకాష్, చేసిన అందాల ప్రదర్శన గురించి హాట్ హాట్ గా చర్చలు జరుగుతున్నాయి. ఈ సమయంలో ఎప్పటిలాగే ఈ మలయాళ ముద్దుగుమ్మ సినిమాకి బోనీ కపూర్ నుంచి భారీ షాక్ తగిలింది.
శ్రీదేవి బంగ్లా ట్రైలర్ చూసిన బోనీ కపూర్ అప్సెట్ అయి, ఈ చిత్ర యూనిట్ కి లీగల్ నోటిస్ ఇచ్చాడు. దీనిని ధ్రువీకరించిన శ్రీదేవి బంగ్లా దర్శకుడు ప్రశాంత్, అతని సినిమాలో హీరోయిన్ క్యారెక్టెర్ శ్రీదేవి, అది మాములు పేరు మాత్రమే. లీగల్ నోటిస్ కి సమాధానం ఇస్తానని స్పష్టం చేశాడు. మరి ఈ వివాదం ఎక్కడి వరకూ వెళ్లి ఆగుతుందో చూడాలి.