బాబాయ్ కే షాక్ ఇచ్చాడు

నందమూరి ఫ్యామిలీలో వారం గ్యాప్ లోనే ఒక బాక్సాఫీస్ వార్ జరిగింది. అబ్బాయి కళ్యాణ్ రామ్-బాబాయ్ బాలకృష్ణల మధ్య జరిగిన ఈ కలెక్షన్స్ వార్ లో, మొదటగా ఫిబ్రవరి 22న ప్రేక్షకుల ముందుకి వచ్చిన మహానాయకుడు సినిమా మొదటి రోజు 1.66కోట్లు రాబట్టింది. భారీ అంచనాల మధ్య వచ్చిన ఈ సినిమా ఫస్ట్ డే రెండు కోట్ల కలెక్షన్స్ కూడా రాబట్టకపోవడం ట్రేడ్ వర్గాలనే ఆశ్చర్యపరిచింది. బాలకృష్ణ సినిమాకి ఇంత దారుణమైన వసూళ్లు వస్తాయని ఇండస్ట్రీ వర్గాలు కూడా ఊహించి ఉండరు. దాదాపు 50కోట్ల బిజినెస్ టార్గెట్ గా వచ్చిన ఈ మహానాయకుడు సినిమా ఓవరాల్ గా 10కోట్ల మార్క్ టచ్ చేసినా కూడా గొప్పే అంటున్నారు.
బాబాయ్ పరిస్థితి ఇలా ఉంటే హిట్ కోసం ఎదురు చూస్తున్న కళ్యాణ్ రామ్ మార్చ్ 1న 118 సినిమాతో ప్రేక్షకుల ముందుకి వచ్చాడు. అస్సలు అంచనాలు లేని ఈ మూవీ మొదటి షో నుంచే పాజిటివ్ టాక్ రాబట్టింది. టీజర్, ట్రైలర్ కొత్తగా ఉండడంతో 118 చూడడానికి ‘ఏ’ సెంటర్ ఆడియన్స్ ఇంట్రెస్ట్ చూపించడంతో ఈ చిత్రం ఫస్ట్ డే కోటి నలభై లక్షల షేర్ సాధించింది. మహానాయకుడు కన్నా 118 సినిమా 26లక్షలు రాబట్టినా కూడా కేవలం ఆరు కోట్ల బిజినెస్ టార్గెట్ గా వచ్చిన ఈ మూవీ వారంలోనే బ్రేక్ ఈవెన్ రీచ్ అవుతుందనే నమ్మకం కలిగించింది. 100 సినిమాలు చేసిన అనుభవం ఉన్న బాలయ్య కలిగించలేని నమ్మకం, కళ్యాణ్ రామ్ కలిగించడంలో సక్సస్ అయ్యాడు. బడ్జట్ పరంగా చూసినా, స్టార్ కాస్ట్ పరంగా చూసినా, బిజినెస్ పరంగా చూసినా 118కన్నా మహానాయకుడు సినిమా చాలా పెద్ద చిత్రమే అయినా అది ఫ్లాప్ అయ్యింది, కళ్యాణ్ రామ్ సినిమా హిట్ టాక్ తో దూసుకుపోతోంది. సో వీక్ గ్యాప్ తో జరిగిన ఈ బాక్సాఫీస్ వార్ లో బాబాయ్ పైన అబ్బాయి పై చెయ్యి సాధించాడు.