SSMB 28: మాటల మాంత్రికుడు త్రివిక్రమ్ దర్శకత్వంలో సూపర్ స్టార్ మహేష్ బాబు మూడో సినిమా చేస్తున్న సంగతి తెలిసిందే. గతంలో వీరిద్దరి కాంబినేషన్ లో అతడు, ఖలేజా రెండు సినిమాలు వచ్చాయి. ఈ రెండో కూడా మహేష్ లో రెండు డిఫరెంట్ కోణాలను చూపించడం జరిగింది. “అతడు”లో చాలా సైలెంట్ ఇంకా “ఖలేజా” లో కామెడీ హ్యూమర్ చూపించారు. దీంతో వస్తున్న ఈ మూడో సినిమాలో మహేష్ నీ త్రివిక్రమ్ ఏవిధంగా చూపిస్తాడు అన్నది ఆసక్తికరంగా మారింది. “SSMB 28” వర్కింగ్ టైటిల్ తో షూటింగ్ జరుపుకుంటున్న ఈ సినిమా ఇప్పటికే మొదటి షెడ్యూల్ కంప్లీట్ చేసుకోవడం జరిగింది.
అయితే సెకండ్ షెడ్యూల్ స్టార్ట్ చేయాలని భావించిన సమయంలో సూపర్ స్టార్ కృష్ణ మరణించడంతోపాటు హీరోయిన్ పూజ హెగ్డే కాలికి ఫ్రాక్చర్ కావడంతో వాయిదా పడింది. ఈ సంక్రాంతి పండుగ అయిన వెంటనే సెకండ్ షెడ్యూల్ షూటింగ్ స్టార్ట్ చేసి ఏకధాటిగా జరిపి.. సినిమా కంప్లీట్ చేయడానికి సన్నాహాలు చేస్తున్నారు. ఇదిలా ఉంటే “SSMB 28” స్టార్ట్ చేసిన సమయంలో ఏప్రిల్ 28వ తారీకు విడుదల చేస్తున్నట్లు ప్రకటించారు. మరి ఇప్పటికే షూటింగ్ చాలా ఆలస్యం కావడంతో అనుకున్న సమయానికి సినిమా వస్తుందా రాదా అన్నది ఆసక్తికరంగా మారింది. పరిస్థితి ఇలా ఉంటే మరో పక్క ఈ సినిమాలో ఐకాన్ స్టార్ బన్నీ కూతురు అల్లు అర్హ కూడా నటిస్తున్నట్లు ప్రచారం జరుగుతుంది.
ఇప్పటికే అర్హ “శాకుంతలం” సినిమాలో నటిస్తూ ఉంది. అంతకుముందు తండ్రి బన్నీ “అలా వైకుంఠపురంలో” సినిమాకి సంబంధించి సాంగ్ ప్రమోషన్ లో అర్హ కనిపించింది. మంచి ఎనర్జిటిక్ గా అర్హ హడావిడి చేయడం జరిగింది. దీంతో ఇంప్రెస్ అయిన త్రివిక్రమ్… మహేష్ సినిమాలో…అర్హకి కీలక రోల్ కేటాయించినట్లు టాక్. ఇందుకు సంబంధించి త్వరలోనే అధికారిక ప్రకటన రానున్నట్లు సమాచారం.
Anchor Srimukhi: రేటింగ్ కోసం ఏకంగా అంతకి దిగజారిన శ్రీముఖి.. ఘోరమైన ట్రోల్స్..!