Allu Arjun: ఐకాన్ స్టార్ అల్లు అర్జున్ మ‌రియు ఆయ‌న స‌తీమ‌ణి స్నేహా రెడ్డిల‌కు ఈ రోజు వెర్రీ వెర్రీ స్పెష‌ల్. ఎందుకంటే, నేడు వారి పెళ్లి రోజు. బ‌న్నీ, స్నేహాల వివాహ బంధానికి నేటితో 11 ఏళ్లు పూర్తి అయ్యాయి. ఈ నేప‌థ్యంలోనే మ్యారేజ్ డేను ఈ జంట పిల్ల‌ల‌తో క‌లిసి ఇంట్లోనే సెల‌బ్రేట్ చేసుకున్నారు.
ఆపై ఇందుకు సంబంధించిన పిక్‌ను త‌న్ ఇన్‌స్టాగ్రామ్ ఖాతాలో షేర్ చేసిన బ‌న్నీ.. `హ్యాపీ యానివర్సరీ క్యూటీ. మ‌న బంధానికి 11 ఏళ్లు` అంటూ రాసుకొచ్చారు. దీంతో ఈ పోస్ట్‌ వైర‌ల్‌గా మార‌గా.. అల్లు అభిమానులు, నెటిజ‌న్లు ఈ అందాల జంటకు పెళ్లిరోజు శుభాకాంక్షలు తెలుపుతున్నారు.
ఇక‌పోతే బ‌న్నీ, స్నేహాల‌ది ప్రేమ‌వివాహం. వ్యాపారవేత్త, విద్యాసంస్థల అధినేత కేపీఎస్ రెడ్డి కుమార్తె అయిన స్నేహాను ఓ ప్రైవేట్ ఫంక్షన్ లో బ‌న్నీ చూశాడు. అక్క‌డే ఒక కామన్ ఫ్రెండ్ ద్వారా వీరికి పరిచయం ఏర్ప‌డ‌గా.. ఆ పరిచయం కాస్త ప్రేమ‌కు దారి తీసింది.
ఆ త‌ర్వాత పెద్ద‌ల‌ను ఒప్పించిన ఈ జంట.. 2011 మార్చి 6న హైదరాబాద్‌లో అంగరంగ వైభవంగా వివాహం చేసుకున్నారు. ఆపై ఈ దంప‌తులు అయాన్ అనే కుమారుడు, అర్హ అనే కుమార్తెకు జన్మనిచ్చారు. కాగా, సినిమాల విష‌యానికి వ‌స్తే.. ఇటీవ‌ల `పుష్ప ది రైజ్‌` తో ప్రేక్ష‌కుల‌ను ప‌ల‌క‌రించిన బ‌న్నీ.. ప్ర‌స్తుతం పార్ట్ 2 `పుష్ప ది రూల్‌`పై ఫోక‌స్ పెట్టాడు. సుకుమార్ ద‌ర్శ‌క‌త్వం వ‌హిస్తున్న ఈ చిత్రం త్వ‌ర‌లోనే సెట్స్ మీద‌కు వెళ్ల‌నుంది.
https://www.instagram.com/p/CawgDDdrft3/?utm_source=ig_web_copy_link
