GodFather: మెగాస్టార్ చిరంజీవి పొలిటికల్ లీడర్ గా మోహన్ రాజా దర్శకత్వంలో వస్తున్న సినిమా “గాడ్ ఫాదర్”. “లూసిఫర్” సినిమాకి రీమేక్ గా వస్తున్న ఈ సినిమా అక్టోబర్ 5వ తారీఖు విడుదల కానుంది. ఇప్పటికే ఈ సినిమాకి సంబంధించి విడుదలైన పాటలు మరియు ట్రైలర్ అభిమానులను ఎంతగానో ఆకట్టుకోవటం జరిగింది. నిన్ననే అనంతపురం జిల్లాలో ఈ సినిమా ప్రీ రిలీజ్ ఈవెంట్ అంగరంగ వైభవంగా జరిగింది. చిరంజీవి రావడంతో అభిమానులు పోటెత్తారు. అయితే అనుకోకుండా వర్షం ఒక్కసారిగా కురిసిన గాని వేడుక జరిగే మైదానంలో ఎవ్వరు కూడా వెళ్లకపోవటం విశేషం.
ఇదే సమయంలో చిరంజీవి సైతం జోరు వానలో తడుచుకుంటూనే తన స్పీచ్ ఇవ్వడం జరిగింది. చాలా పవర్ ఫుల్ స్పీచ్ ఇచ్చి చల్లని వానలో అభిమానులలో వేడి రాజేసినట్టు మాట్లాడారు. “గాడ్ ఫాదర్” డైలాగులు చెబుతూ కొడుకు రామ్ చరణ్ ని పొగడ్తలతో ముంచెత్తారు. ఇదంతా పక్కన పెడితే నిన్ననే “గాడ్ ఫాదర్” ట్రైలర్ రిలీజ్ కావటం తెలిసిందే. ట్రైలర్ రిలీజ్ అయి 24 గంటల్లోనే 90 లక్షలకు పైగా వ్యూస్ సాధించడం జరిగింది. 3.21 లక్షల లైక్స్ సాధించింది.
అంతేకాదు యూట్యూబ్ లో నెంబర్ వన్ ట్రెండింగ్ లో ఉంది. చిరు పవర్ ఫుల్ డైలాగులకు… ఫ్యాన్స్ ఫిదా అవుతున్నారు. చాలా కొత్త లుక్ లో.. వయసుకు తగ్గ పాత్రలో చిరంజీవిని సినిమాలో చూపిస్తూ ఉండటంతో అభిమానులు బాగా రిసీవ్ చేసుకుంటున్నారు. మరి దసరా పండుగ నాడు విడుదల కాబోయే సినిమా ఇంకెన్ని రికార్డులు సృష్టిస్తుందో చూడాలి. “ఆచార్య” అట్టర్ ప్లాప్ కావడంతో మెగా ఫ్యాన్స్ “గాడ్ ఫాదర్” పైనే ఆశలు పెట్టుకున్నారు. మరి ఈ సినిమా ఎలా ఉంటుందో చూడాలి.