మరికొద్ది గంటల్లో “లైగర్” ట్రైలర్ రిలీజ్ కానుంది. ఉదయం హైదరాబాదులో సాయంత్రం ముంబైలో “లైగర్” ట్రైలర్ రిలీజ్ కార్యక్రమం జరగనుంది. హైదరాబాద్ సుదర్శన్ థియేటర్ లో “లైగర్” తెలుగు ట్రైలర్ రిలీజ్ కార్యక్రమం నిర్వహించనున్నారు. అయితే ఈ కార్యక్రమానికి ముఖ్యఅతిథిగా మెగాస్టార్ చిరంజీవి, ప్రభాస్ రానున్నారు. చిరంజీవి, ప్రభాస్ చేతుల మీదగా తెలుగు “లైగర్” ట్రైలర్ రిలీజ్ కానుంది. ఈ విషయాన్ని సినిమా యూనిట్ అధికారికంగా ప్రకటించింది. పూరి జగన్నాథ్ దర్శకత్వంలో ఫస్ట్ టైం విజయ్ దేవరకొండ నటించిన ఈ సినిమాపై చాలా అంచనాలు అభిమానులు పెట్టుకున్నారు.
“లైగర్” హిందీ ట్రైలర్ రిలీజ్ ఈవెంట్ కి ప్రముఖ స్టార్ హీరో..??
అదే రీతిలో డాషింగ్ డైరెక్టర్ పూరి కూడా ఫస్ట్ టైం పాన్ ఇండియా నేపథ్యంలో సినిమా తెరకెక్కించడం జరిగింది. ఈ సినిమాలో ఇంటర్నేషనల్ బాక్సర్ గా విజయ్ దేవరకొండ కనిపిస్తున్నాడు. చాయ్ వాలా నుండి ఇంటర్నేషనల్ బాక్సర్ గా హీరో ప్రయాణం “లైగర్” లో చూపించనున్నట్లు తెలుస్తోంది. గతంలో పూరి జగన్నాథ్ తీసిన అమ్మ నాన్న ఓ తమిళ అమ్మాయి మాదిరిగా “లైగర్” ఉంటుందని టాక్. ప్రస్తుతం విజయ్ దేవరకొండ వరుస పరాజయాలు మీద ఉన్నాడు. దీంతో తన ఆశలన్నీ “లైగర్” పైనే పెట్టుకోవడం జరిగింది.
ఇప్పటికే ఈ సినిమాకి సంబంధించి విడుదలైన పాటలు మరియు ఫోటోలు సినిమాపై అంచనాలు పెంచేశాయి. ఆగస్టు 25వ తారీకు విడుదల కానున్న ఈ సినిమా.. ప్రమోషన్ కార్యక్రమాలు తాజాగా సినిమా యూనిట్ స్టార్ట్ చేయడం జరిగింది. విజయ్ దేవరకొండ సరసన అనన్య పాండే హీరోయిన్ గా నటిస్తోంది. ఇంటర్నేషనల్ బాక్సర్ మైక్ టైసన్ కూడా కీలక పాత్ర పోషించారు. ఇదిలా ఉంటే బాలీవుడ్ ఇండస్ట్రీలో ఈ సినిమాకి సంబంధించి ప్రమోషన్ కార్యక్రమాలు నిర్మాతలలో ఒకరైన కరణ్ జోహార్ దగ్గరుండి చూసుకుంటున్నారు.