Mega 154: ఇటీవ‌ల `ఆచార్య`తో వ‌చ్చి ప్రేక్ష‌కుల‌ను తీవ్రంగా నిరాశ ప‌రిచిన మెగాస్టార్ చిరంజీవి.. ఆ సారి ఎలాగైనా హిట్ కొట్టాల‌ని భావిస్తున్నారు. ప్ర‌స్తుతం ఈయ‌న చేతిలో ఉన్న ప్రాజెక్ట్స్ లో `మెగా 154` ఒక‌టి. ప్ర‌ముఖ ద‌ర్శ‌కుడు బాబీ ఈ చిత్రాన్ని తెర‌కెక్కిస్తుండ‌గా.. మైత్రీ మూవీ మేక‌ర్స్ వారు భారీ బ‌డ్జెట్‌తో నిర్మిస్తున్నారు.
వైజాగ్ పోర్ట్ నేపథ్యంలో పక్కా మాస్ ఎంటర్‌టైనర్‌గా రూపుదిద్దుకుంటు ఈ చిత్రానికి `వాల్తేరు వీరయ్య ` అనే టైటిల్‌ను ప‌రిశీలిస్తున్నారు. అలాగే ఇందులో శ్రుతి హాస‌న్ హీరోయిన్‌గా న‌టిస్తుండ‌గా.. మాస్ మ‌హారాజ్ ర‌వితేజ, కేథరిన్ ట్రెస్సా కీలక పాత్ర‌ల‌ను పోషించ‌బోతున్నార‌నే టాక్ ఉంది. ఇదిలా ఉంటే.. తాజాగా ఈ సినిమాలోని చిరు పాత్ర ఏంట‌నేది లీకైంది.
- Read the latest news from NEWSORBIT
- Follow us on facebook , Twitter , instagram and Googlenews
సోష‌ల్ మీడియాలో వినిపిస్తున్న క‌థ‌నాలు ప్రకారం.. మెగా 154లో చిరంజీవి అండర్‌కవర్ కాప్‌గా నటించబోతున్నారట. గతంలో రుస్తుం, స్టేట్ రౌడీ చిత్రాల్లో చిరంజీవి అండర్‌కవర్ కాప్ పాత్ర‌నే పోషించారు. ఆ రెండు సినిమాలు ప్రేక్ష‌కుల‌ను ఓ రేంజ్‌లో ఆక‌ట్టుకున్నాయి. అయితే ఆయ‌న ఇప్పుడు ముచ్చ‌ట‌గా మూడోసారి ఆ పాత్ర‌నే మెగా 154లో పోషించ‌బోతున్నాడ‌ని జోరుగా ప్ర‌చారం జ‌రుగుతోంది.
అలాగే చిరంజీవి త‌మ్ముడి పాత్ర‌లో ర‌వితేజ క‌నిపించ‌బోతున్నాడ‌ని.. త్వ‌ర‌లోనే చిరుతో క‌లిసి ఆయ‌న షూటింగ్‌లో జాయిన్ కానున్నాడ‌ని వార్త‌లు వ‌స్తున్నాయి. మ‌రి ఈ వార్త‌లు ఎంత వ‌ర‌కు నిజ‌మో తెలియాల్సి ఉంది. కాగా, చిరంజీవి మ‌రోవైపు మోహ‌న్ రాజాతో `గాడ్ పాద‌ర్‌`, మెహ‌ర్ ర‌మేశ్ డైరెక్ష‌న్‌లో `భోళా శంకర్‌` అనే రెండు సినిమాలు చేస్తున్నారు. ఈ రెండు ప్రాజెక్ట్స్ సైతం సెట్స్ మీదే ఉన్నాయి.
