Waltair Veerayya: జనసేన అధినేత పవర్ స్టార్ పవన్ కళ్యాణ్ నీ ప్రత్యర్థులు ఎక్కువగా పెళ్లిళ్లు గురించి విమర్శలు చేస్తారు. ఆయన జీవితంలో అదొక మాయని మచ్చగా మిగిలిపోయింది. అవినీతికి సంబంధించి ఎక్కడా కూడా పవన్ పై ఎటువంటి ఆరోపణలు ఇప్పటివరకు రాలేదు. చాలావరకు రాజకీయాలలో ప్రత్యర్థులు పవన్ నీ విమర్శించాలంటే ఆయన పెళ్లి గురించి కామెంట్లు చేస్తూ ఉంటారు. ఆంధ్రప్రదేశ్ రాష్ట్రంలో అధికార పార్టీ వైసీపీ వాళ్ళు ఎక్కువగా పవన్ ని తిట్టాల్సి వస్తే భార్యల గురించి విమర్శలు చేస్తూ ఉంటారు.
అయితే తన పెళ్లిళ్ల వల్ల నష్టమేమి వచ్చింది. కావాలంటే వాళ్లను కూడా చేసుకోండి అంటూ అప్పట్లో వైసిపి వాళ్ళు తనపై చేసిన వ్యాఖ్యలపై పవన్ కౌంటర్ కూడా ఇచ్చారు. అటువంటి పవన్ మూడు పెళ్లిళ్లపై మెగాస్టార్ చిరంజీవి లేటెస్ట్ గా సంచలన వ్యాఖ్యలు చేశారు. విషయంలోకి వెళ్తే “వాల్తేరు వీరయ్య” ప్రమోషన్ కార్యక్రమంలో భాగంగా ఓ ప్రముఖ టీవీ ఛానల్ కి ఇంటర్వ్యూ ఇవ్వటం జరిగింది. ఈ సందర్భంగా పవన్ పెళ్లిళ్లకు సంబంధించి రాజకీయ నేతలు చేసే విమర్శలపై మీ స్పందన ఏంటి అని యాంకర్ ప్రశ్నించారు.
రాజకీయంలో విమర్శలు గురించి తాను ఏం మాట్లాడదలచుకోలేదని చిరు తెలిపారు. పవన్ తనకి బిడ్డలాంటోడని స్పష్టం చేశారు. పొలిటికల్ గా అది తన వ్యక్తిగతమని..అన్నారు. రాజకీయాల్లో ఎప్పుడూ ఏం జరుగుతుందో ఎవరికీ తెలియదు.. వాటికి పూర్తిగా దూరంగా ఉన్నట్లు స్పష్టం చేశారు. ఇక ఇటీవల కాపులను కమ్మ పార్టీకి అమ్మేస్తున్నట్లు చిరంజీవి చంద్రబాబు భేటీ పై ఆర్జీవి చేసిన వ్యాఖ్యలను ప్రస్తావించగా అది తన వ్యక్తిగతమని చిరంజీవి పెద్దగా స్పందించలేదు. ఇంకా సినిమాకి సంబంధించి అనేక విషయాలు తెలియజేయడం జరిగింది.