“ఆచార్య” నష్టపోయిన బయ్యర్ల విషయంలో చిరంజీవి, చరణ్ సంచలన నిర్ణయం..??

కొరటాల శివ దర్శకత్వంలో ఈ ఏడాది ప్రారంభంలో వచ్చిన “ఆచార్య” దారుణంగా అట్టర్ ప్లాప్ కావడం తెలిసిందే. ఈ సినిమా రాకముందు వరకు కొరటాల శివ తీసిన అన్ని సినిమాలు బ్లాక్ బస్టర్ విజయాలు సాధించాయి. అయితే ఫస్ట్ టైం మెగా ఫ్యామిలీ హీరోలతో అది కూడా మెయిన్ హీరోలు చిరంజీవి, రామ్ చరణ్ లతో కొరటాల పనిచేయడంతో “ఆచార్య” పై అంచనాలు భారీ రేంజ్ లో ఏర్పడ్డాయి. తీరా సినిమా ఏప్రిల్ నెలలో విడుదలయ్యాక.. అట్టర్ ఫ్లాప్ అయ్యింది. పాండమిక్ తర్వాత టాలీవుడ్ ఇండస్ట్రీలో విడుదలైన పెద్ద సినిమాలలో అత్యధిక పరాజయం పాలైన సినిమాగా “ఆచార్య” బొక్క బోర్లా పడింది.

కనీస కలెక్షన్ లు కూడా “ఆచార్య” రాబట లేకపోయింది. దీంతో గత కొద్ది రోజుల నుండి డైరెక్టర్ కొరటాల శివ కార్యాలయం వద్ద సినిమా డిస్ట్రిబ్యూటర్లు ఎగ్జిబిటర్లు ఆందోళన నిర్వహిస్తున్న సంగతి తెలిసిందే. సినిమా నిర్మాణ భాగస్వామ్యంలో కొరటాల శివ స్నేహితులు.. ఉండటంతో సినిమా పై నమ్మకంతో అంతకుముందే కొరటాల కొన్ని రైట్స్ అమ్మడం జరిగింది అంట. అయితే సినిమా దారుణంగా పరాజయం పాలు కావడంతో సదరు కొనుగోలుదారులు కొరటాల కార్యాలయం వద్ద ఆందోళనలు నిరసనలు తెలపడం జరిగింది.

దీంతో సినిమా నష్టం మేరకు నిర్మాతలైన స్నేహితులకు ఇంకా డిస్ట్రిబ్యూటర్లకు ఎగ్జిబిటర్లకు డబ్బులు చెల్లించాలని హైదరాబాదులో తన ఆస్తులు అమ్మడానికి రెడీ కావడం తెలిసిందే. ఇటువంటి తరుణంలో సినిమాలో హీరోలు చిరంజీవి మరియు రామ్ చరణ్ కొంతమేర నష్టం.. భర్తీ చేయడానికి ముందుకొచ్చినట్లు సమాచారం. విషయంలోకి వెళ్తే చిరంజీవి, రామ్ చరణ్ ఇద్దరూ కలిపి 20 కోట్ల మేర.. ఆచార్య నిర్మాణ భాగస్వామ్యంలో మ్యాట్నీ నిర్మాణ సంస్థకి వెనక్కి ఇచేయడం జరిగింది అని టాక్. దాదాపు చిరంజీవి అదే విధంగా చరణ్ సగం నష్టం భుజాలపై వేసుకుని.. కొరటాలని ఆదుకున్నట్లు టాక్. దీంతో మిగిలిన బ్యాలెన్స్ కొరటాల ఇవ్వనున్నట్లు సమాచారం.