cm jagan-chiranjeevi: చిరంజీవి క‌లిసి వెళ్లిన మూడు గంట‌ల్లో సీఎం జ‌గ‌న్ సంచ‌ల‌న నిర్ణ‌యం!

Share

cm jagan-chiranjeevi: గ‌త కొద్ది రోజుల క్రితం ఏపీ ప్ర‌భుత్వం సినిమా టికెట్‌ రేట్ల‌ను తగ్గిస్తూ జీవో 35 తీసుకొచ్చిన సంగ‌తి తెలిసిందే. చిన్న సినిమా పెద్ద సినిమా అని తేడా లేకుండా అన్నింటికీ ఒకే ధరను నిర్ణయిస్తూ ఈ జీవోను జారీ చేయ‌గా.. టాలీవుడ్‌లో పిడుగు ప‌డిన‌ట్టైంది. అప్ప‌టి నుంచీ సినిమా టికెట్ ధ‌ర‌ల విష‌యంలో టాలీవుడ్‌కి, ఏపీ ప్రభుత్వానికి మ‌ధ్య కోల్డ్ వార్ కొన‌సాగుతూనే ఉంది. అయితే ఇప్పుడు ఈ వార్‌కి పులిస్టాప్ పెట్టేందుకు మెగాస్టార్ చిరంజీవి రంగంలోకి దిగారు.

ఇందులో భాగంగానే.. నేడు ఏపీ ముఖ్యమంత్రి జగన్ మోహ‌న్ రెడ్డితో మెగాస్టార్ చిరంజీవి భేటీ అయ్యారు. గురువారం మధ్యాహం ఒంటిగంటకు గన్నవరం ఎయిర్ పోర్టు నుంచి తాడేపల్లిలోని సీఎం జగన్ నివాసానికి చేరుకున్న చిరంజీవి.. మొద‌ట ఆయ‌న‌తో క‌లిసి భోజనం చేశారు. ఆ త‌ర్వాత గంట‌న్న‌ర పాటు సినీ సమస్యలు, టికెట్ ధరలపై వీరు చర్చించుకున్నారు. భేటీ అనంతరం చిరంజీవి మీడియాలో మాట్లాడుతూ.. పరిశ్రమ పెద్దగా తాను సీఎం జ‌గ‌న్‌ని కలిసానని, పండగ పూట సీఎంతో ఆనందకర భేటీ జరిగిందని తెలిపారు.

`ఇండస్ట్రీ, ఎగ్జిబిటర్ల సాధక బాధలు సీఎంకు వివరించాను. నేను చెప్పిన అన్ని విషయాలను సీఎం సానుకూలంగా ఆలకించారు. ఇండస్ట్రీ పెద్దగా కాదు ఒక బిడ్డగా చెబుతున్నా.. ఎవరూ ఆందోళన చెందొద్దు. అందరూ సంయమనంతో ఉండాలి. తొందరపడి నోరు జారొద్ద‌ని కోరుతున్నా. త్వ‌ర‌లోనే అంద‌రూ ఆనందించే నిర్ణ‌యం ప్ర‌భుత్వం నుంచి వ‌స్తుంది` అంటూ చిరంజీవి తెలిపారు.

అయితే తాజా స‌మాచారం ప్ర‌కారం.. చిరంజీవి క‌లిసి వెళ్లిన మూడో గంట‌ల‌కే జ‌గ‌న్ అర్జెంట్ రివ్యూ మీటింగ్‌ను ఏర్పాటు చేశార‌ట‌. ఈ మీటింగ్‌లో జ‌గ‌న్ జీవో 35ను స‌వ‌రించాల‌ని సంచ‌ల‌న నిర్ణ‌యం తీసుకున్నార‌ట‌. అలాగే రోజుకు ఐదు షోలు వేసుకునేందుకు అనుమ‌తి ఇవ్వాల‌ని నిర్ణ‌యించార‌ట‌. మ‌రి ఇది ఎంత వ‌ర‌కు నిజ‌మో తెలియాల్సి ఉంది.

 


Share

Related posts

దసరా స్పెషల్ ఈవెంట్ లో విజయం ఎవరిది..? బుల్లితెర ప్రేక్షకులకు కనువిందే

arun kanna

Pragya Jaiswal cute Photos

Gallery Desk

Neelima Beautiful Black Saree Pics

Gallery Desk