హృదయ కాలేయం, కొబ్బరి మట్ట వంటి సెటైరికల్ మూవీలను నిర్మించిన సాయి రాజేష్ నీలం తాజాగా కథ అందించి నిర్మిస్తున్న చిత్రం కలర్ ఫోటో. సందీప్ రాజ్ ఈ చిత్రంతో దర్శకునిగా పరిచయమవుతున్నాడు. సుహాస్, చాందిని చౌదరి హీరో, హీరోయిన్లుగా నటిస్తున్నారు.
షూటింగ్ మొత్తం పూర్తి చేసుకున్న ఈ చిత్ర టీజర్ కొద్దిసేపటి క్రితం విడుదలైంది. పేరుకి కలర్ ఫోటో అయినా కూడా ఇది బ్లాక్ అండ్ వైట్ ప్రేమకథగా తెరకెక్కినట్లు అర్ధమవుతోంది. రంగు దగ్గరనుండి చాలా అసమానతలు ఉన్న హీరో, హీరోయిన్ల మధ్య ప్రేమకథ ఈ చిత్రం, సునీల్ విలన్ గా నటించాడు. టీజర్ ఆహ్లాదకరంగా ఉంటూనే ఒక హృద్యమైన ప్రేమకథను చెప్పినట్లు అర్ధమవుతోంది. కాల భైరవ ఈ చిత్రానికి సంగీతం అందించాడు. “అబ్బాయిలు సెలక్షన్ బానే ఉంటదిరా కానీ లవ్వే సరిగ్గా చేయలేరు.. అదే అమ్మాయిలు లవ్ బానే చేస్తారు కానీ సెలక్షన్ బాగోదు. అందుకనే కదా మనం ఇలా ఉండిపోయాం” అని డైలాగ్ ఆకట్టుకుంటోంది.
