కమెడియన్ సునీల్ గురించి ప్రత్యేకంగా చెప్పనవసరం లేదు. ఇండస్ట్రీలో బ్రహ్మానందం టైం నడుస్తున్న సమయంలో ఎంట్రీ ఇచ్చిన సునీల్… ఒకానొక టైములో బ్రహ్మానందాన్ని రీప్లేస్ చేసేస్తాడని భావించారు. తన అదిరిపోయే టైమింగ్ తో పాటు పంచ్ లతో… కమెడియన్ గా తెలుగు ప్రేక్షకులను ఎంతగానో నవ్వించాడు. కమెడియన్ గా మంచి క్రేజ్ ఉన్న సమయంలో.. సునీల్ హీరోగా ప్రయోగాలు చేయడంతో కెరియర్ చాలా డౌన్ ఫాల్ లోకి వెళ్ళిపోయింది.
RC15: శంకర్ సినిమాలో తన పాత్ర పై కీలక వ్యాఖ్యలు చేసిన సునీల్…!!
హీరోగా ప్రారంభంలో విజయాలు వరించిన గాని తరువాత వరుస పెట్టి ప్లాపులు పలకరించాయి. ఈ పరిణామంతో హీరోగా అవకాశాలు రాకపోవడంతో పాటు మరోపక్క కమెడియన్ వేషాలు వేయడానికి సునీల్ చాలా ఆలోచించడం జరిగింది. ఆ తర్వాత మళ్ళీ సినిమాలోకి రావడానికి కొంచెం టైం తీసుకున్నారు. ఆ తర్వాత తేరుకుని రెండు మూడు సంవత్సరాల క్రితం నుండి సునీల్… కమెడియన్ గా మళ్లీ బిజీ అవ్వుతూ వరుస పెట్టి అవకాశాలు అందుకుంటున్నారు. ఇదిలా ఉంటే కెరియర్ లో ఫస్ట్ టైం సునీల్ ఒక యాడ్ చేయటం జరిగింది.
అది ఒక ప్రముఖ టూత్ పేస్ట్ కంపెనీకి. మేటర్ లోకి వెళ్తే డాబర్ రెడ్ టూత్ పేస్ట్ కి సునీల్ తాజాగా యాడ్ చేశారు. తనదైన శైలిలో ఈ యాడ్ లో సునీల్ నటించారు. చాలా కొత్తగా ఉన్నాడు. ప్రస్తుతం ఈ యాడ్ సోషల్ మీడియాలో వైరల్ అవుతుంది. ఇదిలా ఉంటే సునీల్ ప్రస్తుతం చేస్తున్న చాలా సినిమాలు.. పేరుగాంచిన ప్రాజెక్టులు. మెగాస్టార్ చిరంజీవి నటించిన “గాడ్ ఫాదర్”, ఇంకా మెగా పవర్ స్టార్ రాంచరణ్ నటిస్తున్న “RC 15″… ఇంకా పలు పేరుగాంచిన ప్రాజెక్టులు చేస్తూ ఉన్నారు. ఒకపక్క సినిమాలో మరోపక్క వెబ్ సిరీస్ లు… తాజాగా యాడ్ రంగంలో కూడా సునీల్ ఎంట్రీ ఇవ్వడంతో ఇండస్ట్రీలో సంచలనంగా మారింది.