Corona Effect In Theaters : తెలంగాణలో కరోనా వైరస్ సెకండ్ వేవ్ విజృంభిస్తోంది.. ఇప్పటికే తెలంగాణ సర్కార్ విద్యా సంస్థలను బంద్ చేస్తూ కీలక నిర్ణయం తీసుకుంది.. దీంతో సినిమా థియేటర్లు మరోసారి మూత పడతాయంటూ సోషల్ మీడియా లో వార్తలు వినిపిస్తున్నాయి.. దీనిపై తాజాగా తెలంగాణ ప్రభుత్వం స్పందించింది.. తెలంగాణ రాష్ట్ర సినిమాటోగ్రఫీ మంత్రి తలసాని శ్రీనివాస్ యాదవ్ సినిమా థియేటర్లు మూసివేసే ఆలోచన ప్రభుత్వానికి లేదని స్పష్టం చేశారు..
ఇప్పుడున్న కోవిడ్ నిబంధనల ప్రకారమే సినిమా థియేటర్లు యధావిధిగా నడుస్తాయని.. సీట్ల కుదింపు పై ఎలాంటి నిర్ణయం తీసుకోలేదని మంత్రి తలసాని వెల్లడించారు. థియేటర్లు మూసివేస్తే సినీ పరిశ్రమ భారీ నష్టాలు చవి చూస్తుందని.. సినీ పరిశ్రమ పై లక్షలాది మంది జీవితాలు ఆధారపడి ఉన్నాయని , అందరి ప్రయోజనాలు, ఇబ్బందులను దృష్టి లో పెట్టుకుని నిర్ణయాలు తీసుకుంటామని తెలిపారు. ప్రతిఒక్కరూ కరోనా నిబంధనలు పాటించాలని మంత్రి తలసాని శ్రీనివాస్ సూచించారు.
