నభా నటేశ్ తన సోయగాలతో కుర్రకారు దిమాక్కులను ఖరాబు చేస్తోంది. అసలు విషయమేమంటే ఈ అమ్మడు నటిస్తోన్న తాజా చిత్రం `ఇస్మార్ట్ శంకర్`. పూరి జగన్నాథ్, రామ్ కాంబినేషన్లో ఈ చిత్రాన్ని పూరి జగన్నాథ్ టూరింగ్ టాకీస్, పూరి కనెక్ట్స్ బ్యానర్స్ పై పూరి జగన్నాథ్, ఛార్మి ఈ చిత్రాన్ని నిర్మిస్తున్నారు. నిధి అగర్వాల్, నభా నటేశ్ హీరోయిన్స్ గా నటిస్తున్నారు.
ప్రస్తుతం హైదరాబాద్లో వేసిన భారీ సెట్లో సాంగ్ చిత్రీకరణ జరుగుతుంది. ఈ సాంగ్లో నిధి అగర్వాల్, నభా నటేష్ ఇద్దరూ రామ్తో నటిస్తున్నారు. రీసెంట్గా దిమాక్ ఖరాబ్ అంటూ తెలంగాణ యాసలో సాగే ఈ పాటకు సంబంధించి నిధి అగర్వాల్ లుక్కు చాలా మంచి స్పందనవ వవ్చింది. లెటెస్ట్గా నభా నటేశ్ ఫోటోలు విడుదలయ్యాయి. ఇందులో నభా నటేష్ సరికొత్త లుక్లో, రూరల్ స్టైల్లో ఆకట్టుకుంటుంది. ఈ చిత్రానికి మెలోడి బ్రహ్మ మణిశర్మ సంగీతం అందిస్తున్నారు.