NTR 31: `ఆర్ఆర్ఆర్`తో భారీ బ్లాక్ బస్టర్ హిట్ను ఖాతాలో వేసుకున్న యంగ్ టైగర్ ఎన్టీఆర్.. తన నెక్స్ట్ ప్రాజెక్ట్ను కొరటాల శివతో ప్రకటించారు. ఇది పూర్తైన వెంటనే `కేజీఎఫ్`తో నేషనల్ వైడ్గా పాపులర్ అయిన డైరెక్టర్ ప్రశాంత్ నీల్తో ఓ మూవీని పట్టాలెక్కించబోతున్నాడు. ఇప్పటికే ఈ ప్రాజెక్ట్పై అధికారిక ప్రకటన వచ్చింది.
`ఎన్టీఆర్ 31` వర్కింగ్ టైటిల్తో వచ్చే ఏడాది ఈ మూవీ సెట్స్ మీదకు వెళ్లబోతోంది. మైత్రీ మూవీ మేకర్స్, ఎన్టీఆర్ ఆర్స్ట్ బ్యానర్లపై హై బడ్జెట్తో పాన్ ఇండియా స్థాయిలో ఈ చిత్రం నిర్మితం కానుంది. ఇందులో ఎన్టీఆర్ మున్నెప్పుడూ కనిపించనంత ఊర మాస్ లుక్లో దర్శనమివ్వబోతున్నారు.
- Read the latest news from NEWSORBIT
- Follow us on facebook , Twitter , instagram and Googlenews
అలాగే ఈ చిత్రానికి `అసురుడు` అనే టైటిల్ పరిశీలనలో ఉందంటూ గత కొద్ది రోజుల నుంచీ ప్రచారం జరుగుతున్న సంగతి తెలిసిందే. అయితే తాజాగా ఈ సినిమాలోని తారక్ రోల్పై ఓ క్రేజీ అప్డేట్ బయటకు వచ్చింది. అదేంటంటే.. ఇందులో తారక్ కాస్త నెగటివ్ షేడ్స్ ఉన్న పాత్రలో కనిపించబోతున్నారట.
కేజీఎఫ్ లో ఎలా అయితే యశ్ ను నెగిటివ్ షేడ్స్ లో చూపించాడో.. అలాగే `ఎన్టీఆర్31` లో తారక్ను ప్రశాంత్ నీల్ కాస్త నెగటివ్గా చూపించబోతున్నాడట. అందుకే ఆయన పాత్రకు తగ్గట్లు `అసురుడు` అనే టైటిల్ ఖరారు చేయాలని చూస్తున్నట్లు తాజాగా ఓ టాక్ బయటకు వచ్చింది. మరి ఇదే నిజమైతే ఎన్టీఆర్ ఫ్యాన్స్కి పూనకాలు ఖాయమని అంటున్నారు.