సుకుమార్ సినిమాల్లో ఐటమ్ సాంగ్లకున్న క్రేజ్ గురించి స్పెషల్గా మనం ఏమీ చెప్పక్కర్లేదు. ఆయన సినిమాలకూ, ఐటమ్ సాంగ్లకూ ఉన్న బంధం విడదీయరానిది. దానికి తోడు డీఎస్పీ మ్యూజిక్. చంద్రబోస్ లిరిక్స్.. ఆ పాటకు ఓ రేంజ్ పబ్లిసిటీని తెచ్చిపెడతాయి. రింగ రింగ సాంగ్లో అయితే ఏకంగా అల్లువారి అబ్బాయి అర్జున్ స్టెప్పులు మరీ ఇరగదీశాయి. ఓ పోషు పోషు పరదేశి నేను ఫారిన్ నుంచీ వచ్చేశాను… అంటూ రింగ రింగ పాట అప్పట్లో ఒక ఊపు ఊపేసింది. ఏ పార్టీ అయినా, పబ్బం అయినా ఈ పాట లేనిదే గడవదన్నట్టు హల్చల్ చేసింది. బాలీవుడ్లోనూ రింగ రింగ అంటూ జనాలు తెగ ఊగిపారేశారు. తాజాగా ఈ ట్యూన్ ఎల్లలు దాటేసింది. ఆస్ట్రేలియాలో ఉన్న ఓ క్లబ్లో ఈ పాటకు యువత డ్యాన్సులు ఇరగదీశారు. నెట్టింట్లో హల్ చల్ చేసిన ఈ పాటను చూసి దేవిశ్రీ ప్రసాద్ కూడా ఆనందాన్ని వ్యక్తం చేశారు. సంగీతానికి భాషలు, ఎల్లలు లేవనే విషయాన్ని ఆయన మరోసారి గుర్తు చేసుకున్నారు. ఎంతైనా సొంత బిడ్డ విదేశాల్లో గుర్తింపు పొందుతుంటే ఏ క్రియేటర్కైనా హ్యాపీయే కదా.
previous post
next post